शिवरीची सुनावणी पुढे ढकलली; शेतकऱ्यांनो लॉकडाऊनंतर नोंदवता येणार हरकती

खळद : आळंदी ते पंढरपूर या राष्ट्रीय महामार्गाच्या भूसंपादन कामी शिवरी (ता.पुरंदर) येथील शेतकऱ्यांची हरकत नोंदणी आज (ता.१६) पुणे या ठिकाणी आयोजित केली होती, ही सुनावणी तात्पुरती पुढे ढकलण्यात आल्याची माहिती उपजिल्हाधिकारी तथा भूसंपादन अधिकारी सुनील गाडे यांनी सकाळच्या प्रतिनिधीनीशी बोलताना दिली.

ताज्या बातम्यांसाठी डाऊनलोड करा ई-सकाळचे ऍप   

 सध्या कोरोनाचा संसर्ग मोठ्या प्रमाणावरती होत असल्याने पुणे शहरात लॉकडाऊन जाहीर करण्यात आले आहे. ही नोटीस जाहीर केली त्यावेळी लॉकडाऊन जाहीर झाले नव्हते. दरम्यान, त्यामुळे ग्रामीण भागातील शेतकऱ्यांना पुण्यात येणे अवघड होणार आहे. अशा परिस्थितीत शेतकऱ्यांची कोणतीही अडचण होऊ नये या हेतूने ही सुनावणी पुढे ढकलण्यात आली आहे.
पुण्याच्या बातम्या वाचण्यासाठी येथे ► क्लिक करा

''शेतकरी बांधवांनी लॉकडाऊन संपल्यानंतर सात दिवसाच्या आत पुणे कार्यालयात आपली हरकत नोंदवावी अथवा स्थानिक तलाठी, पुरंदर तहसील येथील निवडणूक नायब तहसीलदार उत्तम बढे यांच्याकडे आपल्या हरकती नोंदवाव्यात'' असे त्यांनी सकाळ'शी बोलताना स्पष्ट केले.