पुणे - पैशांसाठी आई वडिलांनी ४० दिवसांच्या मुलीची साडेतीन लाख रुपयांत विक्री केल्याचा धक्कादायक प्रकार उघडकीस आला आहे. बुधवारी (ता. २) येरवड्यातील शास्त्रीनगरमध्ये हा प्रकार घडला. याप्रकरणी येरवडा पोलिसांनी आई-वडिलांसह सहा जणांना अटक केली आहे..मीनल ओंकार सपकाळ, ओंकार औदुंबर सपकाळ (दोघेही २९, रा. बिबवेवाडी), साहिल अफजल बागवान (वय २७, रा. सातारा), रेश्मा शंकर पानसरे (वय ३४, रा. येरवडा), सचिन रामा अवताडे (वय ४४, रा. येरवडा) आणि दीपाली विकास फटांगरे (वय ३२, रा. संगमनेर) अशी अटक करण्यात आलेल्यांची नावे आहेत..या प्रकरणी आरोपींवर बाल न्याय अधिनियमासह विविध कलमांन्वये गुन्हा दाखल करण्यात आला आहे. याबाबत येरवडा पोलिस ठाण्यातील पोलिस हवालदार सचिन लगू गवळी यांनी फिर्याद दिली आहे. पोलिसांनी दिलेल्या माहितीनुसार, मीनल सपकाळ ही पहिल्या पतीपासून वेगळी राहत आहे. तिला पाच वर्षांचा मुलगा आहे..सध्या ती ओंकार सपकाळ याच्यासोबत राहत आहे. २५ मे २०२५ ला मीनलने मुलीला जन्म दिला. प्रसूती झाल्यानंतर मध्यस्थ बागवान, पानसरे, अवताडे यांनी तिच्याशी संपर्क साधला. त्यांनी ४० दिवसांची मुलगी दीपाली फटांगरे हिला देण्यास सांगितले. त्याबदल्यात साडेतीन लाख रुपये देतो, असे आमिष मध्यस्थांनी मीनलला दाखविले..पैशांवरून वाद झाल्याने प्रकार उघडकीस -मुलीची तीन लाख रुपयांना विक्री करण्याचे ठरल्यानंतर पैसे देत दीपाली मुलीला घेऊन गेली. त्यानंतर मध्यस्थांनी दोन लाख रुपये सपकाळ दाम्पत्याला दिले. दीपाली हिने मध्यस्थांना जास्त रक्कम दिल्याचा संशय सपकाळ जोडप्याला आला. त्यावरून मध्यस्थ आणि सपकाळ यांच्यात वाद झाला..त्यामुळे सपकाळ येरवडा पोलिस ठाण्यात गेले व आमची मुलगी पळवून नेली, अशी तक्रार दिली. त्यांनी दिलेल्या माहितीवरून पोलिसांनी मध्यस्थ आणि मुलगी विकत घेणारी दीपाली फटांगरे यांना ताब्यात घेण्यात आले. चौकशीत आई-वडिलांनी मध्यस्थांमार्फत मुलीची फटांगरेला विक्री केल्याचे उघडकीस आले..मुलगी पळून नेल्याची दिली तक्रार -फटांगरेला हिला कायदेशीर दत्तक विधान प्रक्रिया पार न पाडता साडेतीन लाख रुपयांत सपकाळने विक्री केल्याचे तपासात उघडकीस आले. त्यानंतर याप्रकरणी पोलिसांनी सपकाळ यांच्यासह सहा जणांना पोलिसांनी अटक केली..सुरुवातील मुलगी पळवून नेल्याची तक्रार देण्यासाठी सपकाळ आले होते. चौकशीत सपकाळ यांनी तिची मध्यस्थांमार्फत फटांगरे साडेतीन लाख रुपयांत विक्री केल्याचा प्रकार उघडकीस आला. या गुन्ह्याचा तपास येरवडा पोलिस ठाण्याचे वरिष्ठ पोलिस निरीक्षक रवींद्र शेळके करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
पुणे - पैशांसाठी आई वडिलांनी ४० दिवसांच्या मुलीची साडेतीन लाख रुपयांत विक्री केल्याचा धक्कादायक प्रकार उघडकीस आला आहे. बुधवारी (ता. २) येरवड्यातील शास्त्रीनगरमध्ये हा प्रकार घडला. याप्रकरणी येरवडा पोलिसांनी आई-वडिलांसह सहा जणांना अटक केली आहे..मीनल ओंकार सपकाळ, ओंकार औदुंबर सपकाळ (दोघेही २९, रा. बिबवेवाडी), साहिल अफजल बागवान (वय २७, रा. सातारा), रेश्मा शंकर पानसरे (वय ३४, रा. येरवडा), सचिन रामा अवताडे (वय ४४, रा. येरवडा) आणि दीपाली विकास फटांगरे (वय ३२, रा. संगमनेर) अशी अटक करण्यात आलेल्यांची नावे आहेत..या प्रकरणी आरोपींवर बाल न्याय अधिनियमासह विविध कलमांन्वये गुन्हा दाखल करण्यात आला आहे. याबाबत येरवडा पोलिस ठाण्यातील पोलिस हवालदार सचिन लगू गवळी यांनी फिर्याद दिली आहे. पोलिसांनी दिलेल्या माहितीनुसार, मीनल सपकाळ ही पहिल्या पतीपासून वेगळी राहत आहे. तिला पाच वर्षांचा मुलगा आहे..सध्या ती ओंकार सपकाळ याच्यासोबत राहत आहे. २५ मे २०२५ ला मीनलने मुलीला जन्म दिला. प्रसूती झाल्यानंतर मध्यस्थ बागवान, पानसरे, अवताडे यांनी तिच्याशी संपर्क साधला. त्यांनी ४० दिवसांची मुलगी दीपाली फटांगरे हिला देण्यास सांगितले. त्याबदल्यात साडेतीन लाख रुपये देतो, असे आमिष मध्यस्थांनी मीनलला दाखविले..पैशांवरून वाद झाल्याने प्रकार उघडकीस -मुलीची तीन लाख रुपयांना विक्री करण्याचे ठरल्यानंतर पैसे देत दीपाली मुलीला घेऊन गेली. त्यानंतर मध्यस्थांनी दोन लाख रुपये सपकाळ दाम्पत्याला दिले. दीपाली हिने मध्यस्थांना जास्त रक्कम दिल्याचा संशय सपकाळ जोडप्याला आला. त्यावरून मध्यस्थ आणि सपकाळ यांच्यात वाद झाला..त्यामुळे सपकाळ येरवडा पोलिस ठाण्यात गेले व आमची मुलगी पळवून नेली, अशी तक्रार दिली. त्यांनी दिलेल्या माहितीवरून पोलिसांनी मध्यस्थ आणि मुलगी विकत घेणारी दीपाली फटांगरे यांना ताब्यात घेण्यात आले. चौकशीत आई-वडिलांनी मध्यस्थांमार्फत मुलीची फटांगरेला विक्री केल्याचे उघडकीस आले..मुलगी पळून नेल्याची दिली तक्रार -फटांगरेला हिला कायदेशीर दत्तक विधान प्रक्रिया पार न पाडता साडेतीन लाख रुपयांत सपकाळने विक्री केल्याचे तपासात उघडकीस आले. त्यानंतर याप्रकरणी पोलिसांनी सपकाळ यांच्यासह सहा जणांना पोलिसांनी अटक केली..सुरुवातील मुलगी पळवून नेल्याची तक्रार देण्यासाठी सपकाळ आले होते. चौकशीत सपकाळ यांनी तिची मध्यस्थांमार्फत फटांगरे साडेतीन लाख रुपयांत विक्री केल्याचा प्रकार उघडकीस आला. या गुन्ह्याचा तपास येरवडा पोलिस ठाण्याचे वरिष्ठ पोलिस निरीक्षक रवींद्र शेळके करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
