पुणे - कौटुंबिक वादातून मुलाने स्वतःच्या ८० वर्षीय आईवर चाकूने वार केल्याची धक्कादायक घटना शनिवार पेठेतील मेहुणपुरामध्ये शनिवारी रात्री घडली. ज्येष्ठ महिलेला उपचारासाठी ससून रुग्णालयात दाखल केले आहे. विश्रामबाग पोलिसांनी आरोपी मुलाला अटक केली आहे..अविनाश पांडुरंग साप्ते (वय ६५, रा. मेहुणपुरा, शनिवार पेठ) असे अटक करण्यात आलेल्याचे नाव आहे. तर कुसुम साप्ते (वय ८०) असे गंभीर जखमी झालेल्या ज्येष्ठ महिलेचे नाव आहे. या प्रकरणी अविनाश साप्ते यांचा भाचा आशिष अशोक समेळ (वय ४५, रा. शनिवार पेठ) यांनी विश्रामबाग पोलिस ठाण्यात फिर्याद दिली आहे..पोलिसांनी दिलेल्या माहितीनुसार, संपत्तीच्या वाटणीवरून अविनाश आणि त्यांच्या आई कुसुम साप्ते यांच्यात वाद सुरू होता. शनिवारी रात्री दहा वाजण्याच्या सुमारास अविनाश दारूच्या नशेत घरी आला. त्यानंतर त्यांनी आईशी वाद घालत तिच्या चेहऱ्यावर व डोक्यावर चाकूने वार केले. यात त्या गंभीर जखमी झाल्या..आजीला वाचवण्यासाठी आशिष समेळ यांनी हस्तक्षेप केला असता, आरोपीने त्यांच्या हातावर चाकूने वार केला. याबाबत माहिती मिळताच विश्रामबाग पोलिसांनी घटनास्थळी धाव घेत आरोपीला अटक केली. जखमींवर ससून रुग्णालयात उपचार सुरू आहेत. पुढील तपास सहाय्यक पोलिस निरीक्षक उमेश कारके करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
