Ashish Shelar : सिंहगड विकास आराखड्याची बैठक पंधरा दिवसात

खडकवासला - सिंहगड किल्ल्याच्या संवर्धनासाठी आणि पर्यटकांच्या सोयी सुविधांसाठी सिंहगड किल्ल्याच्या विकास आराखड्याची बैठक येत्या पंधरा दिवसात घेण्यात येईल. अशी माहिती सांस्कृतिक कार्यमंत्री आशिष शेलार यांनी विधीमंडळात दिली.

सिंहगड किल्ल्याची सध्या दूरवस्था आहे, तेथे हजारो पर्यटक दररोज येतात. मात्र त्यांच्यासाठी गडावर चालण्यासाठी पायऱ्यांची दुरावस्था झाली आहे. त्यामुळे, या किल्ल्याच्या संवर्धनासाठी आणि पर्यटकांच्या सोयीसाठी विकास आराखडा कधी होणार आहे.

किल्ल्यावर एकत्रित पुरातत्व विभाग, वनविभाग, सार्वजनिक बांधकाम खाते आणि जिल्हाधिकारी यांची मालकी असलेल्या यांची एकत्रित बैठक कधी होईल. असा प्रश्न खडकवासल्याचे आमदार भीमराव तापकीर यांनी लक्षवेधीमध्ये मांडला.

आमदार तापकीर यांच्या लक्षवेधीला उत्तर देताना सांस्कृतिक कार्य मंत्री आशिष शेलार म्हणाले की, तापकीर यांनी मांडलेला प्रश्न अतिशय महत्वाचा आहे. सिंहगड किल्ल्याच्या विकास आराखडा यासंदर्भात पुरातत्व, वन, सा‌र्वजनिक बांधकाम आणि जिल्हाधिकारी या चार विभागाची एकत्रती मालकी आहे.

त्यांच्यी त्या चारही विभागाच्या अधिकाऱ्यांची बैठक पालकमंत्री यांच्या नेतृत्वाखाली होणे गरजेचे आहे. त्याबाबत येत्या पंधरा दिवसांमध्ये ही बैठीक होईल असे नियोजन केले जाईल.

आमदार भीमराव तापकीर यांच्या सिंहगड विकासासंदर्भातच्या लक्षवेधीला उत्तर देताना मंत्री शेलार यांनी सहा कोटी रुपयांच्या कामे‌ सुरू करण्याची सूचना(वर्क ऑर्डर) निघाली असल्याची माहिती दिली.

या सहा कोटींमधून छत्रपती राजाराम महाराज समाधी परिसरात वाड्याचे संवर्धन, कंत्राटीपध्दतीवर स्वच्छतागृह बांधकाम व देखरेख, कल्याण दरवाजाची दुरुस्ती या सर्व कामांचा समावेश आहे. यातील काही कामे सुरु झाली आहे. तर काही लवकरच सुरु होतील. अशी ही माहिती सांस्कृतिक कार्यमंत्री आशिष शेलार यांनी दिली.