Legal Battle: Parents and Management Move Court Against University’s Sudden Decision
Sakal
पुणे : ‘ सिंहगड दंत वैद्यकीय महाविद्यालयात पदवी व पदव्युत्तर पदवीचे शिक्षण घेत असलेल्या विद्यार्थ्यांचे प्रवेश राज्यात वेगवेगळ्या ठिकाणी घेण्याचे आदेश महाराष्ट्र आरोग्य विज्ञान विद्यापीठाने (एमयुएचएस) अवघ्या दोन दिवसांपूर्वी दिले. त्यासाठी ६ एप्रिल ही अंतिम तारीख दिली. प्रवेश घ्यायला वेळ इतका कमी असून दुसरीकडे प्रवेशासाठी पूर्ण वर्षभराचे शुल्क भरा अशी मागणी केली जात आहे. तसेच, इकडे सिंहगड दंत महाविद्यालयाकडूनही सर्व अटींची पुर्तता करण्यात येत आहे. आता नेमका दुसरीकडे प्रवेश घ्यायचा की काय करायचे’ असा प्रश्न पालकांनी उपस्थित केला आहे.
