जेऊरमध्ये 'अक्षय' नात्यांची गुंफण! १५ जोडप्यांचा सामुदायिक विवाह सोहळा संपन्न; ५० वर्षांहून अधिक काळ रुग्णसेवा देणाऱ्या २८ डॉक्टरांचा 'कृतज्ञता' सन्मान
Sakal
जेऊर : जेऊर तालुका अक्कलकोट येथील काशिलिंग देवस्थान ट्रस्ट व श्री काशिलिंग बहुउद्देशीय संस्था यांच्या वतीने आयोजित सर्व धर्मीय सामुदायिक विवाह सोहळ्यात 15 जोडपी विवाहबद्ध झाली असून सदर सोहळा हा मंगलमय आणि उत्साही वातावरणात संपन्न झाला. याचवेळी सामाजिक बांधिलकीचा उपक्रम म्हणून यावर्षीचा अक्कलकोट तालुक्यातील ज्यांचे वय 50 वर्षापेक्षा जास्त आहे अशा वैद्यकीय सेवा देणाऱ्या 28 डॉक्टरांचा सन्मान सोहळा देखील संपन्न झाला.