CA Exam Result : लासुर्णेतील सोनालीची सनदी लेखापालपदाला गवसणी

काटेवाडी - ‘माझ्या मुलीने मोठं व्हावं, तिच्या यशाने आकाशाला गवसणी घालावी,’ असे स्वप्न प्रत्येक वडिलांचे असते. कळंबच्या विश्वासराव रणसिंग महाविद्यालयाचे दिवंगत प्राचार्य रमेश भानुदास सूर्यवंशी यांची ज्येष्ठ कन्या सोनाली हिने हे स्वप्न सत्यात उतरवले आहे..दहा वर्षांपूर्वी, २०१५ मध्ये वडिलांचा आकस्मिक निधनाने तिचे आयुष्य ढवळून निघाले होते. पण त्या दुखातून सावरत, प्रचंड जिद्दीने आणि मेहनतीने तिने सनदी लेखापाल (सीए) परीक्षेत घवघवीत यश मिळवले आहे.रविवारी (ता. ६) २०२५ रोजी लागलेल्या निकालाने तिच्या कुटुंबाला आनंदाश्रूंची अनावर झाले, आणि वडिलांच्या आठवणींनी या आनंदाला एक हळवी किनार देखील होती..लासुर्णे (ता. इंदापूर) येथील प्राचार्य रमेश सूर्यवंशी यांचा मित्रपरिवार खूप मोठा आहे. २०१५ मध्ये प्राचार्य सूर्यवंशी यांचे आकस्मिक निधन झाले होते. याचा त्यांच्या कुटुंबीयांसह मित्रपरिवाराला देखील मोठा धक्का बसला होता. आपल्या मुलीने सनदी लेखापाल (सीए) व्हावे असे त्यांचे स्वप्न होते. सोनालीच्या प्रवासाला खरे तर खूप आधी सुरुवात झाली होती..पुण्यातील बीएमसीसी कॉलेजमधून एम.कॉम. पूर्ण करत तिने सनदी लेखापाल परीक्षेची तयारी सुरू केली होती. तिच्या वडिलांनी, तिला नेहमीच उच्च शिक्षण आणि यशस्वी करिअरचे स्वप्न पाहण्यास प्रोत्साहित केले होते. सोनालीने सीए च्या पहिल्या दोन परीक्षा पहिल्याच प्रयत्नात यशस्वीरीत्या पूर्ण केल्या होत्या..पण, २०१५ मध्ये वडिलांचे आकस्मिक निधन झाले आणि तिचे विश्व कोसळले. या धक्क्यातून सावरण्यासाठी तिला वेळ लागला. अंतिम सीए परीक्षा देण्याचे तिने टाळले आणि पुढील दोन वर्षे ती स्वतःला सावरत होती. सोनालीने २०१८ मध्ये, पुन्हा एकदा वडिलांचे स्वप्न पूर्ण करण्याचा निर्धार केला..तिने पुण्यात राहून, बीएमसीसी कॉलेज मध्ये पुढील उच्च शिक्षण पूर्ण केले. हे करत असतानाच सीएच्या अंतिम परीक्षेची तयारी देखील तिने जिद्दीने सुरू ठेवली होती. कुटुंबीयांचा पाठिंबा घेत, प्रचंड चिकाटीने अभ्यासाला सुरुवात केली. रात्रीचा दिवस करत, स्वतःला आव्हान देत तिने अंतिम सीए परीक्षेची तयारी पूर्ण केली व त्यात यश मिळविले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.