Maha E-Seva center
मंचर : आंबेगाव व जुन्नर तालुक्यातील महा-ई-सेवा केंद्रे तसेच नागरी सुविधा केंद्रांकडून नागरिकांकडून जादा शुल्क आकारले जात असल्याच्या आणि विविध अनियमिततेच्या तक्रारी वाढत असल्याच्या पार्श्वभूमीवर प्रशासनाने कठोर भूमिका घेतली आहे. जुन्नर-आंबेगाव उपविभागाच्या प्रांताधिकारी अर्चना तांबे यांच्या निर्देशानुसार शनिवारी (ता.२५) ते गुरुवारी (ता.३०) जुलै या कालावधीत दोन्ही तालुक्यांतील ९४ महा-ई-सेवा व नागरी सुविधा केंद्रांची विशेष तपासणी मोहीम राबविण्यात येणार असल्याची माहिती मंचर प्रांत कार्यालयाचे नायब तहसीलदार सचिन मुंढे यांनी दिली.
