चाकू, कोयत्याचा धाक दाखवून कार व पैसे केले लंपास; तिघांना अटक

arrest.jpg
arrest.jpg

वाघोली (पुणे) : औरंगाबाद येथे जाण्यासाठी भाडेतत्वावर कार बुक केली. चालक कार घेऊन गेल्यानंतर बुक केलेल्यांनी चालकाला चाकू, कोयत्याचा धाक दाखवून कार व पैशांची चोरी केली व ते फरार झाले. याबाबत तक्रार दाखल झाल्यानंतर लोणीकंद पोलिसांनी कसून शोध घेत एका अल्पवयीन मुलासह तिघांना अटक केली. वाघोली येथील बकोरी फाटा येथे चोरीची घटना घडली.

पुण्याच्या बातम्या वाचण्यासाठी येथे ► क्लिक करा

सागर नवनाथ पिंगळे (वय २५), भूषण शरद माळी (वय १९) आणि अल्पवयीन मुलगा (तिघेही रा. वाडा पुनर्वसन, कोरेगाव भीमा) असे जबरी चोरीप्रकरणी अटक करण्यात आलेल्यांची नावे आहेत. पोलिसांनी दिलेल्या माहितीनुसार, वाघोलीतील बकोरी फाटा येथे तिघांनी औरंगाबाद येथे जाण्यासाठी इरटीगा कार भाडेतत्वावर घेतली. चालक कार घेऊन आला. त्यानंतर ते निघाले. काही अंतर गेल्यावर त्या तिघांनी चालकाला चाकू, दोरी, कोयता गळ्याला लावला. कार एका सोसायटीच्या खाली नेऊन चालकाला जबर मारहाण करत त्याच्या जवळची रक्कम काढून घेतली आणि बँक खात्यातील दहा हजार रुपये गुगल पे मार्फत चोरट्यांनी स्वतःच्या खात्यात ट्रान्सफर करून घेतले. त्यानंतर कार घेऊन ते फरार झाले.

यानंतर चालकाने पोलिस ठाण्यात तक्रार नोंदवली. पोलिसांनी कसून तपास करून कोरेगाव भीमा येथून तिघांना जेरबंद केले. सदरची कामगिरी पोलिस निरीक्षक प्रताप मानकर यांच्या मार्गदर्शनाखाली स्थानिक गुन्हे शाखा व लोणीकंद पोलिस ठाण्याचे सहायक पोलिस निरीक्षक केशव वाबळे, उपनिरीक्षक हनुमंत पडळकर, उपनिरीक्षक शिवाजी ननवरे, उपनिरीक्षक राम दोंडगे, बाळासाहेब सकाटे, राजू मोमीन, विजय कांचन, श्रीमंत होनमाने, दत्तात्रय काळे, संतोष मारकड, समीर पिलाणे, धीरज जाधव, सूरज वळेकर, ऋषिकेश व्यवहारे यांनी केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com