गळफास घेतलेला मृत्यूदेह आढळला; पण पोलिसांनी नोंद केली आकस्मात मृत्यूची

वालचंदनगर - भरणेवाडी (ता. इंदापूर) येथील तरुणाचा मृतदेह सणसरजवळील ३९ फाटा येथ मित्राच्या घराजवळ गळफास घेतल्याच्या अवस्थेमध्ये आढळल्याची घटना घडली. याप्रकरणी पोलिसांनी आकस्मात मृत्यूची नोंद केली आहे. मात्र नातेवाईक व कुंटूबातील नागरिकांनी संशयास्पद मृत्यू असल्याचा संशय असून सलोख तपास करण्याची मागणी केली. या घटनेमुळे तणावाचे वातावरण झाले हाेते.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भरणेवाडीमधील आप्पा राव भरणे (वय ४०) या तरुणाना मृतदेह आढळला. आप्पा भरणे व  सणसर जवळील ३९ फाट्याजवळ नितीन काळे हे दोघे मित्र होते. काळे यांच्या घराजवळील कामगारांसाठी राहणाऱ्या खोल्या व गावरान काेंबड्याची पोल्ट्री आहे.  आज गुरुवार (ता.१०) रोजी दुपारी दोन वाजण्याच्या सुमारास रिना नितीन काळे (वय ३९) यांना आप्पा भरणे यांनी लोखंडी अँगलला नायलॉन दोरीच्या साहय्याने गळफास घेतल्याचे दिसले. रिना काळे यांनी मुलीच्या मदतीने भरणे  यांचा फास सोडवून त्यांना खाली घेवून सदरची घटना पती नितीन काळे व पोलिसांना सांगितली. याप्रकरणी रिना काळे यांनी वालचंदनगर पोलिस ठाण्यात मध्ये भरणे यांच्या मृत्यूची खबर दिली आहे. मात्र, आप्पा भरणे यांनी गळफास घेवून आत्महत्या केली नसून त्यांचा संशयास्पद मृत्यू झाल्याचा आरोप भरणे यांच्या नातेवाईकांनी केला आहे.

लॉकडाउनमध्ये जिम बंद असल्याने अनेकांनी घरातच व्यायाम केला; पण खांद्याच्या दुखापती वाढल्याचे आले समोर

भरणे यांच्या नातेवाईकांनी सुरवातील मृतदेह ताब्यात घेण्यास नकार दिल्यामुळे तणावाचे वातावरण झाले होते. मात्र रात्री उशीरा मृतदेह ताब्यात घेतला असून मृत्यूची सलोख चौकशी करण्याची मागणी करण्यात आली आहे. अधिक तपास वालचंदनगर पोलिस ठाण्याचे साहय्यक फौजदार प्रभाकर बनकर करीत आहे.

वन्यप्राण्यांची समस्या हाताळण्यासाठी प्रशिक्षित मनुष्यबळ उभारण्यावर वन खाते भर देणार

Edited By - Prashant Patil