पुणे - जिल्ह्यातील दौंड येथील गोपाळवाडी परिसरात अर्भकांचे अवयव बाटलीत सापडल्याच्या प्रकरणाची तातडीने चौकशी करून दोषींवर कठोर कारवाई करावी, असे निर्देश विधान परिषद उपसभापती डॉ. नीलम गोऱ्हे यांनी दिले आहेत.
ही घटना अत्यंत गंभीर असून, त्यामागील कारणांचा शोध घेणे आवश्यक आहे. सात ते आठ अर्भकांचे अवयव एका बाटलीत सापडणे हे केवळ अपघाताने घडलेली घटना नसून, एका बेकायदेशीर गर्भपात रॅकेटचा सहभाग असण्याची शक्यता आहे.
या पार्श्वभूमीवर दौंड परिसरातील सोनोग्राफी केंद्रे, खासगी दवाखाने, प्रसुतीगृहे, वैद्यकीय व्यावसायिक आणि दलालांची सखोल चौकशी होणे गरजेचे आहे. लिंगनिदान आणि त्यानंतर गर्भपात केले जात असल्यास, त्यांच्यावर त्वरित कठोर कारवाई करावी. तसेच, सापडलेल्या अर्भकांचे शवविच्छेदन करून त्यांचा मृत्यू कशामुळे झाला याची शास्त्रीय तपासणी करावी, अशी मागणी डॉ. गोऱ्हे यांनी केली आहे.
प्रशासनाने दोषींवर गुन्हे दाखल करून त्यांना शिक्षा द्यावी. दौंड परिसरातील अनधिकृत गर्भपात केंद्रांवर छापे टाकून कठोर कारवाई करण्याची गरज आहे. या प्रकरणात महिला आणि बालविकास विभागाने विशेष लक्ष ठेवून प्रतिबंधात्मक उपाययोजना कराव्यात. तसेच, या संदर्भात केलेल्या कार्यवाहीबाबत माहिती द्यावी, असे निर्देश डॉ. गोऱ्हे यांनी आरोग्य संचालकांना दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.