ठाण्यातील घटनेचा इंदापूरात तीव्र शब्दात निषेध

इंदापूर नगरपरिषदेचे संपूर्ण कामकाज कडकडीतरित्या बंद ठेवून घटनेचा तीव्र शब्दात निषेध करण्यात आला.
protest
protestsakal

इंदापूर : ठाणे महानगरपालिकेच्या सहाय्यक आयुक्त श्रीमती कल्पिता पिंपळे या आपले कर्तव्य बजावत असताना एका माथेफिरूने त्यांच्यावर हल्ला केला. त्यात त्यांच्या हाताची बोटे कापली गेली,तसेच डोक्यास देखील मोठी जखम झाली आहे. प्रामाणिकपणे कर्तव्य बजावणाऱ्या महिला अधिकाऱ्यावर झालेल्या भ्याड हल्ल्याचा निषेध इंदापूर नगरपरिषद प्रांगणात करण्यात आला. इंदापूर नगरपरिषदेचे संपूर्ण कामकाज कडकडीतरित्या बंद ठेवून घटनेचा तीव्र शब्दात निषेध करण्यात आला.

बंदमध्ये प्रशासकीय अधिकारी वर्षा क्षिरसागर ,सभा अधीक्षक गजानन पुंडे,इंदापूर परिषद कर्मचारी संघटनेचे अध्यक्ष मोहन शिंदे, कर निरीक्षक श्रद्धा वळीवडे, पाणी पुरवठा पर्य वेक्षक सुरेश सोनवणे,नोडल ऑफिसर सुजय मखरे, सहाय्यक आरोग्य निरीक्षक लिलाचंद पोळ, भागवत मखरे, सुनील लोहिरे, नगर परिषद सर्व विभागातील कर्मचारी, अधिकारी सहभागी झाले होते.

protest
ठाण्यातील घटनेवरून बारामतीत कर्मचाऱ्यांचे काम बंद आंदोलन

यासंदर्भात श्रद्धा वळीवडे म्हणाल्या, कर्तव्य बजावणाऱ्या सरकारी अधिकाऱ्यांवर हल्ला करणाऱ्या हल्लेखोरावर अजामीनपात्र गुन्हा नोंदवून कारवाई व्हावी.

सभा अधीक्षक गजानन पुंडे म्हणाले, अश्या घटनेमुळे प्रामाणिकपणे काम करणाऱ्या सरकारी अधिकारी व कर्मचाऱ्यांचे मनोधैर्य खच्चीकरण होते. याला पायबंद घालणे गरजेचे आहे. अध्यक्ष मोहन शिंदे म्हणाले, भविष्यात असे प्रकार होवू नयेत म्हणून कायदे कडक करणे गरजेचे आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com