पुणे : राज्यात यंदाच्या गाळप हंगामात ऊसबिलापोटी 13 हजार 508 कोटी रुपये एफआरपी रक्कम शेतकऱ्यांना देय होती. त्यापैकी 13 हजार 150 कोटी रुपये इतकी रक्कम शेतकऱ्यांना अदा केली आहे. यंदाच्या हंगामात साखर कारखान्यांकडून शेतकऱ्यांना एफआरपी देण्याचे प्रमाण 97 टक्के असून, गतवर्षीच्या तुलनेत हे प्रमाण अधिक आहे.
राज्यातील साखर कारखान्यांमधील गाळप हंगाम नुकताच संपला. राज्यात यंदा 144 सहकारी आणि खासगी साखर कारखान्यांनी हंगाम घेतला. या हंगामात 550 लाख मेट्रिक टन उसाचे गाळप करण्यात आले.
शेतकऱ्यांकडून साखर कारखान्यांमध्ये ऊस गाळपास दिल्यानंतर 14 दिवसांत एफआरपी देणे बंधनकारक आहे. त्यानुसार ऊस उत्पादकांना 13 हजार 508 कोटी रुपये एफआरपी देय होती. त्यापैकी 97 टक्के म्हणजेच 13 हजार 150 कोटी रुपये ऊस उत्पादकांच्या हाती पडले आहेत. यंदाच्या हंगामात सुमारे 358 कोटी रुपये एफआरपी थकीत आहे. हे प्रमाण तीन टक्के इतके आहे.
107 कारखान्यांकडून एफआरपीची पूर्ण रक्कम :
राज्यात यावर्षी एकूण 144 साखर कारखान्यांनी ऊस गाळप हंगाम घेतला. त्यापैकी 107 कारखान्यांनी यावर्षी 15 जूनअखेर शेतकऱ्यांना एफआरपीप्रमाणे पूर्ण रक्कम अदा केली आहे. तर, 37 कारखान्यांनी 80 ते 99 टक्के रक्कम दिली आहे. गतवर्षी 195 कारखान्यांनी हंगाम घेऊनही 105 कारखान्यांनी एफआरपीची पूर्ण रक्कम दिली होती.
कारखान्यांवर आरआरसी कारवाई नाही :
गेल्या हंगामात शेतकऱ्यांची एफआरपी थकविणाऱ्या 73 साखर कारखान्यांवर आरआरसी (वसुली प्रमाणपत्र) मालमत्ता जप्तीची कारवाई करण्यात आली होती. मात्र, यंदा बहुतांश कारखान्यांनी एफआरपी रक्कम दिली आहे. त्यामुळे या हंगामात साखर आयुक्त कार्यालयाकडून एकाही कारखान्यावर आरआरसीची कारवाई झालेली नाही. त्यामुळे कारखान्यांना दिलासा मिळाला आहे.
- पुण्याच्या बातम्या वाचण्यासाठी येथे ► क्लिक करा
राज्यातील वर्ष 2019 मधील गाळप हंगाम (कंसात 2020 चा हंगाम) :
- साखर कारखाने : 195 (144)
- ऊस गाळप : 952 लाख मेट्रिक टन (550 लाख मेट्रिक टन)
- एफआरपी देय रक्कम : 23 हजार 89 कोटी रुपये (13 हजार 508 कोटी रुपये)
- थकित एफआरपी : 1171 कोटी, 5 टक्के (358 कोटी, 3 टक्के)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
