Pune News : महाराष्ट्र राज्य सहकारी गृहनिर्माण संस्था फेडरेशनच्या अध्यक्षपदी सुहास पटवर्धन (पुणे) यांची बिनविरोध निवड करण्यात आली आहे. प्रकाश दरेकर (मुंबई) यांची उपाध्यक्षपदी, तर भास्कर म्हात्रे (नवी मुंबई) यांची मानद सचिवपदी बिनविरोध निवड झाली. सुहास पटवर्धन पुणे जिल्हा सहकारी गृहनिर्माण संस्था आणि अपार्टमेंट महासंघाचे अध्यक्ष आहेत.
ठाणे येथे २३ नोव्हेंबर रोजी संचालक मंडळाची निवडणूक पार पडली. सहायक निबंधक महेशकुमार गायकवाड यांनी निवडणूक निर्णय अधिकारी म्हणून काम पाहिले. संचालक सीताराम राणे (ठाणे), संभाजी जाधव (कोल्हापूर), नंदकुमार काटे (सातारा), जयश्री मराठे (धुळे), प्रकाश रथकंठीवार (नागपूर), ॲड. वसंतराव तोरवणे (नाशिक) आदी या वेळी उपस्थित होते.
पटवर्धन यांनी बिनविरोध अध्यक्षपदी निवड केल्याबद्दल सर्व संचालकांचे आभार मानले. संस्थेचा कार्य विस्तार राज्यव्यापी करण्यावर भर दिला जाईल. सर्व संचालकाच्या मदतीने हे कार्य आपण पुढे नेऊ, असे त्यांनी नमूद केले. मावळते अध्यक्ष राणे यांनी आजवर केलेल्या कार्याचा आढावा घेतला.
जिल्हा स्तरावरील संस्थांना बळ देण्यासाठी प्रयत्नशील राहू, असे त्यांनी आश्वासित केले. दरेकर यांनी गृहनिर्माण संस्थांसमोरील आव्हाने पेलण्यासाठी प्रयत्नशील राहू, असे प्रतिपादित केले. तर म्हात्रे यांनी गृहनिर्माण संस्थेच्या जिल्हास्तरीय पदाधिकाऱ्यांना प्रशिक्षण देण्यासाठी नियोजन करण्यात येईल, असे नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.