येरवडा कारागृहात कैद्याची गळफास घेऊन आत्महत्या | Sakal
sakal

बोलून बातमी शोधा

Yerwada Central Jail

पत्नीचा खुन केल्यानंतर येरवडा मध्यमवर्ती कारागृहात असलेल्या एका कैद्याने गळफास घेऊन आत्महत्या केल्याचा धक्कादायक प्रकार उघडकीस आला.

येरवडा कारागृहात कैद्याची गळफास घेऊन आत्महत्या

पुणे - पत्नीचा खुन केल्यानंतर येरवडा मध्यमवर्ती कारागृहात असलेल्या एका कैद्याने गळफास घेऊन आत्महत्या केल्याचा धक्कादायक प्रकार उघडकीस आला आहे. हि घटना गुरुवारी दुपारी तीन वाजण्याच्या सुमारास येरवडा कारागृहाच्या परिसरात घडली. एका कैद्याने झाडाला गळफास घेऊन आत्महत्या केल्याची घटना उघडकीस आली आहे.

सचिन मधुकर नरवाडे (वय 31 , रा. शिक्रापूर, मूळ रा. सावंगी, भोकरदन,जालना) असे आत्महत्या केलेल्या कैद्याचे नाव आहे. सचिन नरवाडे हा त्याची पत्नी कांचन हिच्या चारित्र्यावर संशय घेऊन तिच्याशी सातत्याने भांडत असे. 2 जून 2022 या दिवशी शिक्रापूर परिसरातील बजरंगवाडी येथे त्याने पत्नीचा गळा दाबून खून केला होता. या प्रकरणात शिक्रापूर पोलिसांनी गुन्हा दाखल करुन सचिनला अटक केली होती. त्यानंतर न्यायालायाच्या आदेशाने सचिनला येरवडा कारागृहात न्यायालयीन कोठडीत ठेवण्यात आले होते.

दरम्यान, गुरुवारी (ता.7) दुपारी तीन वाजण्याच्या सुमारास न्यायालयीन कोठडीतील कैद्यांना मोकळे सोडण्यात आले होते. त्यानंतर अर्ध्या तासाने कैद्यांची मोजणी करण्यात आली. तेव्हा, सचिन नरवाडे हा तेथे आढळून आला नाही. त्यामुळे कर्मचाऱ्यांनी त्याचा शोध घेण्याचा प्रयत्न केला. त्यावेळी कारागृहातील रुग्णालय विभागाच्या जवळील बराक क्रमांक दोनजवळच्या वडाच्या झाडाला सचिनने गळफास घेऊन आत्महत्या केल्याचे उघडकीस आले.

Web Title: Suicide By Hanging Of A Prisoner In Yerawada Jail Crime

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..