पुणे - कुख्यात गजानन ऊर्फ गजा मारणेला येरवडा कारागृहातून सांगली कारागृहात नेताना पैसे, कपडे, बकेट व इतर वस्तू देऊन मदत करणाऱ्याला विशेष न्यायालयाने पाच दिवसांची मकोका कोठडी सुनावली आहे..बाळकृष्ण ऊर्फ पांड्या लक्ष्मण मोहिते (वय-४०, रा. सीताराम नगर, सांगली) असे मकोका कोठडी झालेल्या आरोपीचे नाव आहे. कोथरूड येथील आयटी कर्मचाऱ्याला मारहाण केल्याप्रकरणी गजानन मारणे याच्यासह रूपेश मारणे, ओम तिर्थराम धर्मजिज्ञासू, किरण कोंडिबा पडवळ, अमोल विनायक तापकीर (सर्व रा. शास्त्रीनगर, कोथरूड) आणि बाब्या ऊर्फ श्रीकांत संभाजी पवार (रा. वडगाव रासाई, शिरूर) या सहा जणांवर महाराष्ट्र संघटित गुन्हेगारी कायद्यानुसार (मकोका) कारवाई करण्यात आली होती..याच गुन्ह्यात पांड्याला अटक करण्यात आली असून, त्याच्यासमवेत ढाब्यावरील मटण पार्टीवेळी गजा मारणेची भेट घेणारे प्रदीप कंधारे, सतीश ऊर्फ आबा सुधाकर शिळीमकर व विशाल विलास धुमाळ यांच्यावरही या प्रकरणात गुन्हा दाखल करण्यात आला असून, त्यांच्यासह रूपेश मारणे व बाब्या पवार यांचा पोलिस शोध घेत आहेत..दुचाकी व चारचाकी वाहने जप्त करण्यात येणार -या गुन्ह्यात आरोपी पांड्या मोहितेला बुधवारी (ता. १४) दुपारी विशेष मकोका न्यायालयात हजर करण्यात आले. न्यायालयीन कोठडीत असलेल्या गजा मारणेला पांड्या मोहितेने कोणाच्या सांगण्यावरून आर्थिक मदत केली, त्याच्या व्यतिरिक्त आणखी कोणी मारणेला पैशांसह इतर प्रकारची मदत पुरवली आहे, याबाबत तपास करायचा आहे; तसेच मारणेच्या अन्य साथीदारांचा शोध घ्यायचा आहे..मारणेला पुण्यातून सांगली मध्यवर्ती कारागृहात नेणाऱ्या पोलिसांच्या वाहनाचा पाठलाग करणाऱ्यांची दुचाकी व चारचाकी वाहने जप्त करायची आहेत. त्यासाठी आरोपीला मकोका कोठडी देण्याची मागणी विशेष सरकारी वकील प्रमोद बोंबटकर यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
