पुणे : केंद्र सरकारच्या स्वच्छ भारत अभियानाच्या (वर्ष २०२४) स्पर्धेत देशात पिंपरी-चिंचवडचा सातवा, तर पुणे शहराचा आठवा क्रमांक आला आहे. गेल्या वर्षीच्या तुलनेत यंदा एका क्रमांकाने पुण्याची कामगिरी सुधारली आहे. सांडपाण्यावर प्रक्रिया करण्यात महापालिका अजूनही पिछाडीवर असल्याने व सार्वजनिक स्वच्छतेत समन्वयाचा अभाव असल्याचा फटका पुणे महापालिकेला बसत आहे. त्यामुळे क्षमता असूनही पुणे महापालिकेला पहिल्या पाच शहरांमध्ये स्थान मिळू शकलेले नाही.