MPSC Exam : स्वप्नील वाळुंज याने ‘मुख्य कार्यकारी अधिकारी’ या पदाला घातली गवसणी

गुनाट - शिंदोडी (ता. शिरूर) येथील स्वप्नील नामदेव वाळुंज याने जिल्हा परिषदेच्या ‘मुख्य कार्यकारी अधिकारी’ या पदाला गवसणी घातली आहे. राज्यसेवा आयोगाच्या परीक्षेतून त्याची निवड झाली आहे. या यशामुळे त्यांच्यावर कौतुकाचा वर्षाव होत आहे..स्वप्नील हा शेतकरी कुटुंबातील आहे. त्याचे प्राथमिक शिक्षण शिंदोडी येथील जिल्हा परिषद शाळेत, माध्यमिक शिक्षण गुनाट येथे, महाविद्यालयीन शिक्षण विद्याधाम प्रशाला शिरूर, तर अभियांत्रिकी शिक्षण पुण्यात झाले. अभियांत्रिकी शिक्षण पूर्ण झाल्यावर २०१९मध्ये स्वप्नीलने लोकसेवा आयोगाच्या परीक्षा देण्याचा निर्णय घेतला. व अभ्यासाची तयारीही सुरू केली..मात्र दुर्दैवाने कोरोनासाथीच्या आजाराने २०२० व २०२१ साली लोकसेवा आयोगाच्या परीक्षा झाल्याच नाही. अशाही परिस्थितीत हार न मानता स्वप्नीलने अहोरात्र सुरू ठेवलेल्या अभ्यासात खंड पडू दिला नाही. सन २०२२ मध्ये स्वप्नीलने पहिल्यांदाच राज्य लोकसेवा आयोगाची परीक्षा दिली..पहिल्याच प्रयत्नात सहायक आयुक्त (एकात्मिक आदिवासी विकास प्रकल्प), मंत्रालय कक्ष अधिकारी आणि राज्यकर निरीक्षक अशा तिन्ही ठिकाणी यश संपादन केले. या यशाने आशावादी झालेल्या स्वप्नीलने २०२३ मध्ये पुन्हा राज्यसेवा आयोगाची परीक्षा दिली. २६ सप्टेंबर २०२४ साली या परीक्षेचा निकाल लागला. आणि या परीक्षेत तो राज्यात ६८ व्या क्रमांकाने उत्तीर्ण झाला..मात्र तांत्रिक कारणांमुळे उत्तीर्ण झालेल्या उमेदवारांची पदांची यादी जाहीर केली नव्हती. दरम्यान ८ मे २०२५ रोजी ही पदांची यादी जाहीर झाली आणि स्वप्नील थेट मुख्य कार्यकारी अधिकारी झाला. सध्या स्वप्नील मुंबई येथे मंत्रालय कक्षेत सेवेत आहेत..घरातील एकतरी व्यक्ती सरकारी पदावर असावी अशी आजोबांची व घरातील प्रत्येक सदस्याची होती. त्यामुळेच घरच्यांनी माझ्यावर विश्वास ठेवत मला सातत्याने प्रोत्साहन दिले. आई-वडील, आजोबा, चुलते याचबरोबर शिक्षक, ग्रामस्थ, नातेवाईक या सगळ्यांचा या यशात मोठा हातभार आहे.- स्वप्नील वाळुंज.मुलांच्या शैक्षणिक काळात त्यांचे मानसिक आणि बौद्धिक मनोधैर्य उंचावण्यासाठी, स्वप्नपूर्तीसाठी त्यांच्या पाठीशी उभे राहणे ही कुटुंबाची प्रमुख जबाबदारी आहे.- नामदेव वाळुंज, स्वप्नीलचे वडील.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.