esakal | अत्याचाराचे गुन्हे रोखण्यासाठी आवश्‍यक त्या उपाययोजना करणार
sakal

बोलून बातमी शोधा

 पोलिस आयुक्त अमिताभ गुप्ता

"अत्याचाराचे गुन्हे रोखण्यासाठी आवश्‍यक त्या उपाययोजना करणार"

sakal_logo
By
सकाळ वृत्तसेवा

पुणे : अल्पवयीन मुलीवर १३ आरोपींनी अत्याचार केल्याच्या घटनेच्या पार्श्‍वभूमीवर शहरातील सर्व प्रकारच्या प्रवाशांच्या सुरक्षेसाठी आवश्‍यक ती सर्व उपाययोजन केली जाणार आहे. तसेच शहरातील निवासी हॉटेल आणि लॉजबाबतच्या नियमांची योग्य अंमलबजावणी न करणा-यांवर पोलिसांचा वॉच असणार आहे, अशी माहिती पोलिस आयुक्त अमिताभ गुप्ता यांनी बुधवारी दिली.

हेही वाचा: शिक्षकांनी कायम विद्यार्थी राहून , नवीन कौशल्ये आत्मसात करावी; पाहा व्हिडिओ

मित्राला भेटण्यासाठी बिहारला निघालेल्या १४ वर्षीय मुलीचे मदतीच्या बहाण्याने रिक्षातून अपहरण करत तिच्यावर १३ जणांनी सामूहिक बलात्कार केल्याचा प्रकार सोमवारी उघड झाला आहे. त्या मुलीचे पुणे रेल्वे स्टेशनमधून अपहरण करण्यात आले होते. त्यामुळे या घटनेच्या निमित्ताने शहरातील प्रवाशांच्या सुरक्षेचा मुद्दा ऐरणीवर आला आहे. पुणे आणि शिवाजीनगर रेल्वे स्टेशन आणि वाकडेवाडी, स्वारगेट आणि पुणे स्टेशन येथील एसटी स्थानकातून दररोज हजारो प्रवाशांची ये-जा होत असते. त्यातील अनेक प्रवासी पुढे रिक्षा, पीएमपी आणि कॅबद्वारे प्रवास करतात. या प्रवासादरम्यान प्रवाशांची सुरक्षा वाढावी तसेच अत्याचार करणा-या प्रवृत्तीला आळ बसावा यासाठी पोलिस आराखडा तयार करीत आहेत. अत्याचार होण्याची शक्यता असलेले ठिकाणे त्यामाध्यमातून शोधली जाणार असून तेथे आवश्‍यक ते खबरदारीत्मक उपाय राबविले जाणार आहे, असे गुप्ता यांनी सांगितले.

हेही वाचा: भाजप नगरसवेक धीरज घाटेंच्या हत्येचा कट; पाहा व्हिडिओ

नियमांचे उल्लंघन न करणा-यांवर कारवार्इ :

रिक्षा चालक, निवासी हॉटेल व लॉज चालक यांनी व्यवसाय करताना कोणते नियम पाळले पाहिजे, हे आधीच स्पष्ट करण्यात आलेले आहेत. मात्र त्याची अंमलबजावणी होताना दिसत नाही. त्यामुळे अशा प्रकारच्या नियमांचे उल्लंघन करणा-यांवर देखील कडक कारवार्इ केली जार्इल, असे गुप्ता यांनी स्पष्ट केले.

विशेष पीपींच्या नियुक्ती करण्याची मागणी :

वानवडी पोलिस ठाण्यात दाखल असलेले सामूहिक बलात्काराच्या प्रकरणात सरकारची बाजू मांडण्यासाठी विशेष सरकारी वकील (पीपी) नियुक्ती करण्यासाठी पत्रव्यवहार केला जाणार आहे. पोक्सो कायद्यानुसार आरोपींवर वेळेत दोषारोपपत्र दाखल केले जाणार असून खटल्याची सुनावणी वेळेत सुरू होर्इल, असे गुप्ता यांनी सांगितले.

loading image
go to top