दोन मुलींच्या अपघातातील पसार टँकर चालकास कसे पकडले?; वाचा सविस्तर

वडगाव शेरी - गॅस वाहतुकीच्या टँकरचा धक्का लागून प्राण गमावलेल्या दोन मुलींच्या अपघाताला कारणीभूत ठरवून पसार झालेल्या टँकर चालकाला कोरेगाव पार्क पोलिसांनी अटक केली आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पोलीस उपनिरीक्षक भागवत शेंडगे यांनी दिलेल्या माहितीनुसार, याप्रकरणी संशयित आरोपी महादेव गोविंद सावंत (वय 60, रा. नवी सांगवी, पुणे) या टँकर चालकाला अटक करण्यात आली आहे.

पालकांना दिलासा! शैक्षणिक शुल्काबाबत शिक्षण अधिकाऱ्यांनी दिला 'हा' आदेश

मध्य पुण्यात रेसिडेन्सी क्लब चौकात रविवारी (ता 7) रात्री साडेनऊ वाजता टँकरचा धक्का लागून झालेल्या अपघातात रेहनाज रिजवान शेख (वय 16, रा. म्हाडा कॉलनी विमाननगर ) आणि उम्मेहानी सोहेल शेख ( वय 1, रा कॅम्प, पुणे)  अशा दोन मुलींचा दुर्दैवी अंत झाला होता. 

चक्रीवादळाचा शाळा, अंगणवाड्यांना बसला फटका ; दुरुस्तीसाठी झेडपी करणार 'एवढा' खर्च

याप्रकरणी रुखसार रिजवान शेख ( वय 24, रा विमाननगर) यांनी दिलेल्या फिर्यादीवरून कोरेगाव पार्क पोलिसांनी टँकर चालकांवर गुन्हा दाखल केला आहे. हा टँकर कुरकुंभ वरून भोसरीला जात असताना अपघात झाला होता. सीसीटीव्ही फुटेजवरून पोलिसांनी तपास केला.