जनता विद्यालयातील 1972- 73 सालच्या जुनी अकरावी बॅचचे तिसरे स्नेहसंमेलन उत्साहात साजरे ; त्रेपन्न वर्षानंतर वर्गमित्र आले एकत्र

TMB26B03758
टेंभुर्णी : जनता विद्यालयातील तिसऱ्या स्नेहसंमेलनात विद्यार्थ्यांसह माजी मुख्याध्यापक बी. एम. कोकरे, एम. बी. वागज, ए. एम. सय्यद, श्रीमती रसाळ, श्रीमती तांबे सहभागी होत्या.

टेंभुर्णीतील जनता विद्यालयातील माजी विद्यार्थ्यांचे स्नेहसंमेलन उत्साहात

सकाळ वृत्तसेवा
टेंभुर्णी, ता. ३ : टेंभुर्णीतील जनता विद्यालयातील १९७२-७३ च्या इयत्ता अकरावी बॅचच्या विद्यार्थ्यांचे तिसरे स्नेहसंमेलन उत्साही वातावरणात नुकतेच पार पडले. या तिसऱ्या स्नेहसंमेलनास सत्तरीच्या उंबरठ्यावर असलेले अनेक वर्गमित्र व वर्गमैत्रिणींनी उत्स्फूर्त प्रतिसाद देत सहभाग नोंदविला. या बॅचने प्रशालेतील पहिले २०११ तर दुसरे २०१९ स्नेहसंमेलन झाले होते.

या कार्यक्रमास जनता विद्यालयाचे माजी मुख्याध्यापक बी. एम. कोकरे, एम. बी. वागज, ए. एम. सय्यद, श्रीमती रसाळ तसेच श्रीमती तांबे या उपस्थित होत्या. यावेळी विद्यार्थ्यांनी त्यांचा सत्कार केला. त्यानंतर लेखक हरिश्चंद्र पाटील यांचाही विशेष सत्कार करण्यात आला. यावेळी मंगल मोरे-बोबडे, दिलावर आवटे, इमाम पठाण, धनंजय लोंढे, भागवत माळी, रहिमतुल्ला शेख, हरिचंद्र पाटील, गोपाळ काळे, दमन सपाटे, सुरेश नाळे आदी उपस्थित होते.