प्लास्टिक ड्रममध्ये गाई व बैलाचे मांस घेऊन जाणारा टेंम्पो पोलिसांनी घेतला ताब्यात

कुरकुंभ - पुणे-सोलापूर राष्ट्रीय महामार्गावर दौड तालुक्यातील स्वामी चिंचोली हद्दीत एका टेंपोत प्लास्टिक ड्रममध्ये गाई व बैलाचे मांस घेऊन जात असताना पोलिसांनी टेंम्पो, चालक व मांस असा 3 लाख 44 हजाराचा मुद्देमाल ताब्यात घेतला. याप्रकरणी टेंपोचालक, जनावरांची कत्तल करणारे व मांस विकत घेणाऱ्यांविरुध गुन्हा दाखल करण्यात आली आहे.

पोलिसांनी दिलेल्या माहितीनुसार, अजित बाळासाहेब असवले (वय-29, रा. टाकवे बुद्रुक, ता. मावळ, जि. पुणे) यांनी दिलेल्या फिर्यादीनुसार स्वामी चिंचोली (ता. दौंड) हद्दीत पुणे-सोलापूर राष्ट्रीय महामार्गालगतच्या हाॅटेल माऊली प्युअर व्हेज समोर टेंपोमध्ये (एमएच. 03.ओव्ही-8549) प्लास्टिक ड्रममध्ये गाई व बैलाचे मांस कोणत्याही परवानगीशिवाय बेकायदेशीर वाहतूक करीत असल्याचे निदर्शनास आले. या ड्रममध्ये 900 किलो मांस किमत 44 हजार टेंपो किंमत 3 लाख रुपये असा एकूण 3 लाख 44 हजारांचा मुद्देमाल जप्त करण्यात आला.

या प्रकरणी पोलिसांनी टेंपोचालक इमान नासीर शेख (वय-38, रा. 130 सिध्देश्वर पेठ, शहापूर चाळ, सोलापूर) व जनावरांची कत्तल करणारे, मांस विकत घेणारे यांच्याविरूध गुन्हा दाखल करण्यात आला आहे. पोलिसांनी भारतीय दंड संहिता कलम 429, 34 व महाराष्ट्र पशु संरक्षण अधिनियम 1976 चे कलम 5 अंतर्गत गुन्हा दाखल केला आहे.

गुन्हयाचा पुढील तपास पोलिस निरीक्षक विनोद घुगे यांच्या मार्गदर्शनाखाली पोलिस कर्मचारी करीत आहेत.