Pune : ठाकरवाडी दिवाळी फराळाचे किट व कपडे वाटप

घोडेगाव :आंबेगाव तालुक्यातील चासची ठाकरवाडी तसेच डिंभा धरणाच्या परिसरातील बोरघर ,जुन्या आंबेगाव, डिंभा येथील 200 गरजू व गरीब कुटुंबांना दिवाळीच्या निमित्ताने दिवाळी फराळाचे किट व नवीन कपडे देण्यात आली. येथील बहुसंख्य कुटुंबे ठाकर, कातकरी व आदिवासी समाजातील आहेत. येथील सर्व कुटूंबामध्ये आज आनंदाचे वातावरण होते. कारण त्यांना दिवाळीचे फराळ किट आणि घरातील प्रत्येक व्यक्तीला कपडे मिळाले होते. इवल्याश्या चिमुकल्यांचीतर आजच दिवाळी साजरी झाली होती.

पुणे येथील साई हेलपिंग हॅन्ड या संस्थेच्या सदस्यांनी त्यांची दिवाळी गोड केली. साई हेलपिंग संस्थेचे सदस्य मनोज सन्याशीव , आयआरबीचे महाव्यवस्थापक रवींद्र वायाळ , नितीन पाटील , गीतांजपी सन्याशीव , सिद्धी संन्याशीव , भावना जैन ,वंदना गाडेकर ,अंतर सैंदाणे हे यावेळी उपस्थित होते. या सर्व सदस्यांनी स्वतः आपल्या हाताने या कुटुंबांना या वस्तू भेट दिल्या.

गेली पाच वर्षे ही संस्था पुणे जिल्ह्याच्या शहरी व ग्रामीण आदिवासी भागात सणाच्या दिवशी भेटवस्तू देतात. ठाकरवाडी येथे झालेल्या छोट्याशा कार्यक्रमाचे प्रास्तविक अर्जुन काळे यांनी केले. सुर्त्रसंचालन आशा लोहकरे आणि आभार विनायक राऊत यांनी मानले.

याशिवाय साई हेलपिंग संस्थेने पश्चिम आदिवासी भागातील डिंभा, बोरघर आणि जुने आंबेगाव या गावांमध्ये 150 गरीब व गरजू कुटुंबांना दिवाळी फराळकीट आणि 150 पुरुष, स्त्रियांना कपडे आणि मुलांना कपडे वाटले. ठाकरवाडी (ता आंबेगाव) येथे 50 गरजू कुटुंबांना दिवाळी फराळाचे किट व कपडे वाटप करण्यात आले.