बेरोजगारी व कर्जबाजारीपणामुळे मुलानेच आईचा खुन करुन स्वत: गळफास घेत केली आत्महत्या | Sakal
sakal

बोलून बातमी शोधा

suicide
आईचा खून करून; मुलाने घेतला गळफास

आईचा खून करून; मुलाने घेतला गळफास

पुणे : बेरोजगारी व कर्जबाजारीपणाला कंटाळलेल्या एका मुलानेच आपल्या वयोवृद्ध आईला औषधाचा जादा डोस देऊन खुन केल्यानंतर स्वत:ही गळफास घेऊन आत्महत्या केल्याचा धक्कादायक प्रकार उघडकीस आला. धनकवडी परिसरात ही घटना घडली असून शनिवारी रात्री सव्वा अकरा वाजण्याच्या सुमारास उघडकीस आली.

हेही वाचा: सरकारी कार्यालयांसाठी इलेक्ट्रीक वाहने, आदित्य ठाकरेंची घोषणा

गणेश मनोहर फरताडे (वय 42, रा. अक्षय गार्डन सोसायटी, धनकवडी) असे गळफास घेणाऱ्या व्यक्तिचे तर निर्मला मनोहर फरताडे (वय 76) असे खुन झालेल्या महिलेचे नाव आहे. याप्रकरणी सहकारनगर पोलिस ठाण्यात अकस्मात मृत्युची नोंद करण्यात आली आहे. याप्रकरणी शोनित तानाजी सावंत (वय 36, थोरात कॉलनी,एरंडवणे) यांनी फिर्याद दिली आहे. पोलिसांनी दिलेल्या माहितीनुसार, गणेश हा त्याच्या आईसमवेत धनकवडी परिसरातील अक्षय गार्डन सोसायटीमध्ये राहात होते. गणेश हा बेरोजगार होता, तसेच त्याने अनेकांकडुन कर्जही घेतले होते. त्यामुळे त्याच्याकडे अनेक जणाचे पैसे अडकले होते.

हेही वाचा: रशिया युक्रेनवर कब्जा करणार काय ?

त्यातच आईचे आजारपणालामुळे तो त्रस्त झाला होता. या सगळ्या प्रकाराला कंटाळल्याने त्याने गुरुवारी मध्यरात्रीच्या सुमारास आईला औषधाचा जादा डोस दिला, आई निपचीत पडल्यानंतर त्याने आईच्या तोंडाभोवती प्लॉस्टिकच्या पिशवी गुंडाळली, तसेच दोरीच्या सहाययाने आईचा गळाला आवळत तिचा खुन केला. त्यांनंतर त्याने स्वत: बेडरूममधील पंख्याला गळफास घेऊन आत्महत्या केली. ही घटना शनिवारी रात्री सव्वा अकरा वाजण्याच्या सुमारास उघडकीस आली. त्यानंतर वरिष्ठ पोलिस अधिकाऱ्यांनी घटनेच्या ठिकाणी भेट देऊन तपासाबाबत सूचना दिल्या.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune Newsmother
loading image
go to top