पुणे : कोल्हेवाडी गोळीबार प्रकरणाचे धागेदोरे थेट शेगावात

crime
crimesakal media

किरकटवाडी : एकतर्फी प्रेमातून कोल्हेवाडी, खडकवासला (ता. हवेली) येथील दोघांवर बुधवार (ता. 26 मे) रोजी सायंकाळी चार वाजेच्या सुमारास गोळीबार करण्यात आला होता. याप्रकरणी मुख्य आरोपी अक्षय उर्फ रावण चंद्रकांत उभे (वय 27, सध्या रा. कोल्हेवाडी, खडकवासला, मुळ रा. श्रीरामनगर, शेगाव, जि. बुलढाणा) यास त्याच दिवशी हवेली पोलीसांनी अटक केली होती.

crime
पुणे: नगरसेवकानंतर आता लसीकरण केंद्रांच्या मान्यतेसाठी खासगी कंपन्यांचा दबाव

एकतर्फी प्रेमास विरोध करणाऱ्या महिलेच्या नातेवाईकांवर सिंहगड रस्त्यावरील किरकटवाडी फाट्याजवळ चालत्या कारमध्ये अक्षय उभे याने गावठी पिस्तुलातून गोळीबार केला होता. यामध्ये दोघेजण थोडक्यात बचावले होते. संबंधीतांनी अक्षय उभे यास पिस्तुलासह हवेली पोलीसांच्या ताब्यात दिले होते.

crime
Corona Updates : पिंपरी-चिंचवडमध्ये आज ४५८ नवे रुग्ण

सदर गुन्ह्याच्या तपासादरम्यान उभे याने शेगाव येथील व्यक्तींनी गावठी पिस्तूल पुरविल्याची माहिती पोलिसांना दिली. त्यानुसार पोलीस निरीक्षक सदाशिव शेलार यांच्या मार्गदर्शनाखाली सहाय्यक पोलीस निरीक्षक नितीन नम, पोलीस हवालदार रामदास बाबर आणि पोलीस नाईक निलेश राणे यांनी रविंद्र उर्फ भिका रमेश खेडकर(वय 29) यास देशमुखपुरा, शेगाव जि. बुलढाणा येथून तर राजू ज्ञानेश्वर सोनवणे(वय 24) यास हरिपेठ, अकोला, जि. अकोला येथून सापळा रचून अटक केली आहे. आरोपी रविंद्र खेडेकर व राजू सोनवणे यांनी आणखी कोणाला बेकायदा पिस्तूल पुरवले याचा शोध हवेली पोलीसांकडून घेण्यात येत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com