जुन्नर : कुमशेत ता.जुन्नर येथील झालेल्या घरफोडीत रोख रकमेसह सोन्या-चांदीचे दागिने, तांबे-पितळेची भांडी असा सुमारे एक लाख ८० हजाराचा ऐवज चोरीला गेला आहे. गोळेगाव,ता. जुन्नर येथील प्रतिभा बिडवई यांनी याबाबतची फिर्याद जुन्नर पोलीसांकडे दिली आहे..बिडवई याचे वडील सत्यवान व आई नंदा कुमशेत येथे राहवयास आहेत. आई वडिलांसमवेत गुरुवारी ता.३१ रोजी दुपारी त्या मुंबई येथे आजारी चुलत्यास भेटण्यासाठी गेल्यामुळे घर बंद होते. चुलत्यास भेटून त्या घरी परत आल्या तर आई वडील मुंबईत राहिले होते..चोरट्यांनी बंद घर फोडून घरातील लोखंडी कपाटाच्या लॉकरमधील २५ हजार रुपये रोख, एक लाख २० हजार रुपये किंमतीचे दीड तोळे वजनाचे सोन्याचे डोरले,२५ हजार रुपये किंमतीचे चांदीचे पैंजण,पाटल्या व नाणी तसेच तांबे-पितळेची दहा हजार रुपये किमतीची भांडी यात समई, टाकी,हंडा, कळशी,घंगाळ, जग,ग्लास आदी वस्तूंचा समावेश आहे. घरफोडीची ही घटना ता.३१ रोजी दुपारनंतर ता.१ रोजी सकाळी सात या वेळेत घडली आहे. .चोरट्याने त्यांचे घराशेजारी असणारा राजश्री राजेंद्र डोके यांच्या घराचा दरवाजा तोडून चोरी करण्याचा प्रयत्न करण्यात आला आहे.या प्रकरणी पोलिसांनी अज्ञात चोरट्या विरुद्ध गुन्हा दाखल केला आहे.प्रभारी अधिकारी पोलिस निरीक्षक किरण अवचर यांच्या मार्गदर्शनाखाली पोलीस हवालदार भालेराव पुढील तपास करत आहेत.कुमशेत ता.जुन्नर येथे चोरट्यांनी डोके यांच्या घरातील लोखंडी कपाटातील ऐवज लंपास केला.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
