पुणे जिल्ह्यातील कोरोनाची सद्यस्थिती काय? वाचा सविस्तर!

पुणे : पुणे जिल्ह्यातील कोरोनाग्रस्त रुग्णांची संख्या दिवसेंदिवस वाढू लागली आहे. 54 दिवसांपूर्वी पुण्यात दोन रुग्णांची नोंद झाली होती. मात्र, आता ही संख्या २ मे रात्री नऊ वाजेपर्यंतच एक हजार 912 झाली आहे. परिणामी, जिल्ह्यातील रुग्णांच्या संख्येने आता दोन हजारांचा पल्ला गाठल्यात जमा आहे. 

ताज्या बातम्यांसाठी डाऊनलोड करा ई-सकाळचे ऍप

28 एप्रिलला एकाच दिवसात सर्वाधिक तब्बल १४३ रुग्ण आढळून आले आहेत. जिल्ह्यातील आतापर्यंतच्या एकूण रुग्णांपैकी पुणे शहरातील सर्वाधिक १ हजार  ७०४ जण आहेत. उर्वरीत रुग्णांमध्ये पिंपरी-चिंचवड शहरातील ११५, तीनही कटक मंडळे (कॅन्टोन्मेंट बोर्ड) मिळून ४६, जिल्ह्याच्या ग्रामीण भागातील -४० आणि जिल्ह्यातील नगरपालिका क्षेत्रातील सात जणांचा समावेश आहे.

पुण्याच्या बातम्या वाचण्यासाठी येथे ► क्लिक करा 

काल (ता. २ मे) रात्रीपर्यंत जिल्ह्यातील एकूण १६ हजार २५४ संशयित रुग्णांना शहरातील विविध रुग्णालयांमध्ये उपचारासाठी दाखल (ऍडमिट) करण्यात आले होते. या सर्वांची कोरोनाची चाचणी करण्यात आली. यापैकी  १५ हजार ८४५ जणांचे चाचणी अहवाल प्राप्त झाले आहेत. आणखी ४०९ जणांचे चाचणी तपासणी अहवाल येणे बाकी आहेत. प्राप्त अहवालापैकी १३ हजार ९३३ जणांचे अहवाल निगेटिव्ह म्हणजे कोरोना संसर्ग नाही, असे आले आहेत. 

पुण्याच्या बातम्या वाचण्यासाठी येथे ► क्लिक करा 

दरम्यान, आतापर्यंत उपचारासाठी दाखल करण्यात आलेल्यांपैकी १४ हजार ४४३ जणांना उपचारानंतर घरी सोडण्यात आले आहे. सध्या १ हजार ७०८ जण इन्स्टिट्यूशनल क्वारंटाईन (संस्थात्मक विलगीकरण) कक्षात आहेत.  तसेच ३७८ रुग्ण कोरोनामुक्त  झाले आहेत. याशिवाय १०३ जणांचा मृत्यू झाला आहे.

पुण्याच्या बातम्या वाचण्यासाठी येथे ► क्लिक करा 

पुणे शहरातील पहिला कोरोना रुग्ण ९ मार्चला आढळून आला होता. त्यानंतर ३० मार्चला पुणे शहरातील पहिला कोरोना रुग्ण बळी गेला होता. त्यानंतर एप्रिल महिन्यात तब्बल ९४ तर, मे महिन्यातील दोनच दिवसात आठ बळी गेले आहेत.