Thieves Target Agricultural Pump Cables ambegaon tehsil area
sakal
निरगुडसर - कृषीपंपांच्या केबलवर चोरीमुळे शेतकरी हैराण झाला असून, आंबेगाव तालुक्यातील वळती-नागापूर येथील मीना नदीवरील कोल्हापूर पद्धतीच्या बंधाऱ्यालगत २० शेतकऱ्यांच्या शेती सिंचनासाठी बसवलेल्या कृषीपंपांच्या केबल अज्ञात चोरट्यांनी कापून लंपास केल्याची घटना उघडकीस आली आहे. या घटनेमुळे परिसरात एकच खळबळ उडाली असून, शेतीसाठी पाणी पुरवठा ठप्प होऊन एक लाख रुपयांहून अधिक नुकसान झाल्याने शेतकरी वर्ग हवालदिल झाला आहे.
