पुणे : सासवडमध्ये आढळला आणखी एक कोरोनाबाधित; रुग्णांची संख्या...

सासवड (जि. पुणे) : शहरात राहणारे व पुणे महापालिकेच्या कोरोना वाॅररुममध्ये सेवा बजावणाऱ्या एका कर्मचाऱ्यास कोरोनाची बाधा झाल्याचे आज स्पष्ट झाले. लक्षणे दिसल्याने कालच स्वॅब तपासणीस पाठवून रुग्णास पुण्यात रुग्णालयातही दाखल केले. यामुळे सासवड शहरातील कोरोना रुग्णांची संख्या तीनवर आणि तालुक्यातील रुग्णांची संख्या 17 वर पोचली आहे. 

ताज्या बातम्यांसाठी डाऊनलोड करा ई-सकाळचे ऍप 

आज तहसीलदार रुपाली सरनौबत व वैद्यकीय अधीक्षक डाॅ. किरण राऊत यांनी माहिती दिली. पुरंदर तालुक्यासाठीच्या सासवड येथील एका शासकीय  कार्यालयाचा वाहनाचा चालक तीन दिवसांपूर्वीच कोरोना तपासणी अहवाल पाॅझीटिव्ह आला होता. त्यास पुणे येथे रुग्णालयात  दाखल करण्यात आले आहे. मात्र त्याच्या संबधीत कार्यालयातील 24 जणांचे तपासणी अहवाल निगेटिव्ह आल्याने मोठा दिलासा या कर्मचाऱ्यांना मिळाला आहे.

पुण्याच्या बातम्या वाचण्यासाठी येथे  क्लिक करा

मात्र दुसरी धक्कादायक ठरलेली बातमी म्हणजे मुंबई कनेक्शनमधील गुरोळी (ता. पुरंदर) गावातील एकाच कुटुंबातील सहाजण निघाले. मात्र त्याच कुटुंबातील तीनजण मात्र तपासणीत निगेटिव्ह आल्याने थोडा दिलासा मिळाला आहे.

पुण्याच्या बातम्या वाचण्यासाठी येथे  क्लिक करा
  
दरम्यान, सासवडचा पाॅझीटिव्ह रुग्ण बर्‍यापैकी होम क्वारंटाइन असल्याने जे काही संपर्कातील लोक असतील त्यांची संख्या मर्यादित आहे. तरीही गुरोळी सहा व सासवड तीन रुग्ण असल्याने या परीसरात पुढील कार्यवाहीवर व सर्व्हेक्षणकामी  प्रशासन पुढाकार घेत आहे.