पुणे-सोलापूरसह तीन रेल्वे गाड्या रद्द

पुणे : पुणे -सोलापूरसह तीन मार्गांवरील विशेष रेल्वेगाड्या ३० जूनपर्यंत रद्द करण्यात आल्याचे मध्ये रेल्वेच्या पुणे विभागाने मंगळवारी कळविले आहे. पुणे-सोलापूर-पुणे (गाडी क्र. ०११५७, ०११५८) ही गाडी ३० जूनपर्यंत स्थगित करण्यात आली आहे. पनवेल-नांदेड एक्स्प्रेस (गाडी क्र. ०७६१३ आणि ०७६१४) आणि विशाखापट्टणम-लोकमान्य टिळक टर्मिनस (गाडी क्र. ०८५१९, ०८५२०) या गाड्याही ३० जूनपर्यंत रद्द करण्यात आल्या आहेत.

रेल्वे बोर्डाकडून पुढील सूचना मिळाल्यावर गाड्या सुरू होण्याबाबतची घोषणा केली जाईल, असे पुणे विभागाचे जनसंपर्क अधिकारी मनोज झंवर यांनी कळविले आहे.