खोर बलात्कारप्रकरणातील आरोपींना पोलिस कोठडी | Sakal
sakal

बोलून बातमी शोधा

खोर बलात्कारप्रकरणातील 
आरोपींना पोलिस कोठडी
खोर बलात्कारप्रकरणातील आरोपींना पोलिस कोठडी

खोर बलात्कारप्रकरणातील आरोपींना पोलिस कोठडी

sakal_logo
By

यवत, ता. ३१ : खामगाव (ता. दौंड) येथे राहणाऱ्या एका विवाहितेवर खोर (ता. दौंड) येथे पाच जणांनी सामूहिक बलात्कार केला होता. याबाबत महिलेने दिलेल्या वर्णनावरून यवत पोलिसांनी अल्पकालाबधीत पाचही आरोपींना जेरबंद केले होते. त्यांना न्यायालयाने पाच दिवसांची (५ फेब्रुवारीपर्यंत) पोलिस कोठडी सुनावल्याची माहिती यवत पोलिसांनी दिली.

या आरोपींमध्ये अजय बापू चौधरी (वय २२), किरण रोहिदास चौधरी (वय २७), शंकर संपत चौधरी (वय २६), नवनाथ नाना कोकरे (वय ३२, सर्व रा. खोर) व संतोष भगवान चव्हाण (वय ३२, रा. गिरीम, ता. दौंड) यांचा समावेश आहे. या सर्व आरोपींनी अटक करून दौंड न्यायालयापुढे उभे करण्यात आले. न्यायालयाने त्यांना पाच दिवसांची पोलिस कोठडी सुनावली.
लग्नाच्या वाढदिवसानिमित्त भांडगाव (ता. दौंड) येथे हॉटेलात जेवण करण्यासाठी पीडित महिला आपल्या पतीसोबत आली होती. भावाचा अपघात झाला असल्याचे खोटे सांगून अजय चौधरी याने पिडीतेला आपल्या दुचाकीवर बसण्यास भाग पाडले. त्यानंतर या महिलेस खोर गावच्या हद्दीतील इनामाचा डोंगर या निर्जनस्थळी नेले. ‘पतीसह दोघांना जीवे मारू,’ अशी धमकी देऊन महिलेस गप्प बसण्यास भाग पाडले. त्यानंतर त्याने आपल्या इतर चार सहकाऱ्यांना फोन करून बोलावून घेतले. या सर्वांनी या महिलेवर तीच्या इच्छेविरुद्ध आळीपाळीने अत्याचार केले. शनिवारी (ता. २९) सायंकाळी साडेसहा ते रात्री अकराच्या दरम्यान ही घटना घडली होती.
दरम्यान, पीडित महिला दलित असल्याने इतर गुन्ह्यांसोबत आरोपींविरूद्ध दलित अत्याचार प्रतिबंधक कायद्यानुसारही (अॅट्रॉसिटी) गुन्हा दाखल केला आहे. दौंडचे उपविभागीय पोलिस अधिकारी राहुल धस यांच्या मार्गदर्शनाखाली पुढील तपास सुरू असल्याचे यवत पोलिसांनी सांगितले.

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top