कुरकुंभ येथे मनसेचा रास्ता रोको | Sakal
sakal

बोलून बातमी शोधा

कुरकुंभ येथे मनसेचा रास्ता रोको
ःभोईटवाडी येथे शेती शाळेत ज्वारी, उसाबाबत मार्गदर्शन

कुरकुंभ येथे मनसेचा रास्ता रोको

sakal_logo
By

कुरकुंभ, ता. २९ : मनमाड - बेंगलोर राष्ट्रीय महामार्गाचे रुंदीकरणाचे दौंड - कुरकुंभ दरम्यानचे कुरकुंभ घाटातील अपूर्ण काम तसेच खड्डयांमुळे प्रवाशांना नाहक त्रास सहन करावा लागत आहे. त्यामुळे रस्त्याचे काम त्वरित पूर्ण करण्याची मागणी महाराष्ट्र नवनिर्माण सेनेचे प्रदेश उपाध्यक्ष ॲड. सुधीर पाटसकर यांनी केली.
महाराष्ट्र नवनिर्माण सेना दौंड तालुका व शहराच्या वतीने कुरकुंभ घाटातील अनेक दिवसांपासून रखडलेले काम पूर्ण करण्याच्या मागणीसाठी कुरकुंभ घाटात रास्ता रोको आंदोलन करण्यात आले. याप्रसंगी कुरकुंभचे सरपंच आयुब शेख, याप्रसंगी पक्षाचे तालुकाध्यक्ष सचिन कुलथे, प्रतिभा डेंगळे, सागर पाटसकर आदी मान्यवर उपस्थित होते.
ॲड. पाटसकर पुढे म्हणाले, की सरकारी अधिकाऱ्यांना एखाद्या कार्यकर्त्यांने विरोध केला तर त्यांच्याकडून सरकारी कामात अडथळा आणल्याचा गुन्हा दाखल केला जात आहे. मात्र जनतेच्या हिताच्या रस्त्याकामाला काही व्यक्तीने अडथळा गेल्याचे कारण पुढे केले जाते हे हास्यास्पद आहे.
यावेळी सचिन कुलथे, आयुब शेख, प्रतिभा डेंगळे, सुनील आवटे, सागर पाटसकर आदींनी मनोगत व्यक्त केले. रस्ता रोको आंदोलनामुळे पाऊणतास रस्त्यावरील वाहतूक ठप्प झाल्याने वाहनांची मोठी रांग लागली होती. यावेळी सनी सोनार, दिलीप भागवत, नंदकिशोर मंत्री, संदीप बोराडे, जमीर सय्यद, राजू चातू आदी उपस्थित होते. आंदोलन प्रसंगी रस्ते विकास महामंडळ व रुंदीकरणाचे काम करणाऱ्या कंपनीच्या अधिकाऱ्यांनी त्वरित रस्त्याचे काम सुरू करण्याची आश्वासन आंदोलनकर्त्यांना दिले.

00747

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top