जेजुरीत मनसेच्या वतीने इफ्तार पार्टी

जेजुरी, ता. १५ ः पुरंदर तालुका महाराष्ट्र नवनिर्माण सेनेच्या वतीने जेजुरी येथे इफ्तार पार्टीचे आयोजन करण्यात आले होते. पुरंदर तालुका मनसेचे अध्यक्ष उमेश जगताप, पदाधिकारी शंकर गावडे, किरण रोमन, रोहन जगताप, अविनाश बारभाई, मल्हार कुडाळकर यांनी इफ्तार पार्टीचे आयोजन केले. जेजुरी हे खंडोबा देवाचे तीर्थस्थान असून येथे सर्व जाती धर्माचे नागरिक गुण्यागोविंदाने राहतात. जातीय सलोखा हे जेजुरीचे वैशिष्ट आहे. हा जातीय सलोखा शहराच्या विकासासाठी महत्त्वाचा आहे, असे उमेश जगताप यांनी यावेळी सांगितले. सादिक बागवान यांनी आभार मानले.
JEJ22B01312