सरचिटणीसपदी अमित माने यांची निवड

पौड - आंबवणे (ता. मुळशी) येथील संपर्क संस्थेच्या बाल आशा (Bal Aasha) घरातून पळून गेलेली पाचपैकी तीन मुले (Children) चिखलगाव दुर्गेवाडी (ता. मुळशी) येथील कातकरी वस्तीत सापडली आहेत. श्रीपती लहू मोरे (वय ११, रा जवळगाव, ता. मुळशी), गणपत भुरीया उघडे (वय ११, रा. खंडाळा, ता. मावळ), आलू ऊर्फ सागर सुदाम वाघमारे (वय १२, रा. साठेसाई, ता. मुळशी) अशी सापडलेल्या मुलांची नावे आहेत. अभिषेक गायकवाड, नवनाथ पाटोळे या दोघांचा तपास सुरू आहे.

आंबवणे गावच्या हद्दीतील नांदगाव येथील बाल आशा घरातून २५ ते २६ जानेवारीदरम्यान या पाच मुलांना फूस लावून पळवून नेल्याची फिर्याद मनोज सदाशिव गवळी (वय ३६, रा. नांदगाव, पो. आंबवणे, ता. मुळशी; मूळ रा. चाळीसगाव, जि. जळगाव) यांनी पौड पोलिस ठाण्यात दिली होती. पोलिस निरीक्षक अशोक धुमाळ यांच्या मार्गदर्शनाखाली पोलिसांनी पथके तयार करून तपास सुरू केला. त्यापैकी श्रीपती मोरे, गणपत उघडे, सागर वाघमारे ही तीन मुले चिखलगावच्या दुर्गेवाडीतील कातकरीवस्तीत सापडली. इतर दोघांचा तपास सुरू आहे.