मुरूममधील एकावर कोयत्याने हल्ला

वडगाव निंबाळकर, ता. २५ ः नात्यातील मुलीशी प्रेमसंबंध असल्याच्या संशयातून तरुणावर कोयत्याने जीवघेणा हल्ला केल्याची घटना सोमेश्वर कारखाना ते मुरूम रोडवर मुरूम विकासनगर येथे रविवारी (ता. २४) रात्री घडली.
वैभव दीपक खरात, हर्षद थोरात व सनी खुडे (रा. तळवणीनगर, मुरूम, ता. बारामती) अशी गुन्हा दाखल झालेल्यांची तीन आरोपींची नावे आहेत.
या प्रकरणी मुरूम येथील युवराज नारायण सोनवणे यांनी फिर्याद दिली. या घटनेत आदित्य हा २२ वर्षीय तरुण गंभीर जखमी झाला आहे. आदित्य व आरोपींमध्ये यापूर्वी वाद झाला होता. एकमेकांच्या समजुतीतून तो मिटला होता. दरम्यानच्या काळात संबंधित मुलीचा विवाह झाला. परंतु आदित्य व ती फोनवरून एकमेकांच्या संपर्कात असल्याचा संशयावरून आदित्यला दुचाकीवरून गाठून त्याच्यावर कोयत्याने वार करून गंभीर जखमी केले. सहाय्यक पोलिस निरीक्षक सोमनाथ लांडे अधिक तपास करत आहेत.