‘नवीन विश्वस्त नेमण्यासाठी निवडणूक घ्यावी’ | Sakal
sakal

बोलून बातमी शोधा

‘नवीन विश्वस्त नेमण्यासाठी निवडणूक घ्यावी’
‘नवीन विश्वस्त नेमण्यासाठी निवडणूक घ्यावी’

‘नवीन विश्वस्त नेमण्यासाठी निवडणूक घ्यावी’

sakal_logo
By

दावडी, ता. ८ : खरपुडी खुर्द (ता. खेड) येथील खंडोबा देवस्थान ट्रस्टवर नेमलेल्या विश्वस्तांची मुदत संपून सात महिने होऊन गेले. नवीन विश्वस्त नेमण्यासाठी निवडणूक घ्यावी आणि निवडणूक होईपर्यंत ट्रस्टवर प्रशासक नेमावा, अशी मागणी ग्रामस्थांनी धर्मादाय आयुक्तांकडे पत्राद्वारे केली आहे.
प्रतिजेजुरी म्हणून ओळखल्या जाणाऱ्या खरपुडी येथील खंडोबा मंदिरास तीर्थक्षेत्र दर्जा ‘क’ मिळाला असून, दरवर्षी चंपाषष्ठी, माघ पौर्णिमा व चैत्र पौर्णिमेला मोठी यात्रा भरते. यात्रेला लाखो भाविक दर्शनासाठी येतात व सढळ हाताने विकासकामांसाठी देणगी देतात. खंडोबा मंदिर ट्रस्टवर असलेल्या विश्वस्त मंडळाचा कार्यकाल तीन वर्षाचा होता. हा कार्यकाल संपल्यानंतरही सध्या कार्यरत असलेल्या विश्वस्त मंडळाने देणगीचा पैसा स्वार्थासाठी वापरला असे ग्रामस्थांचे म्हणणे आहे. सध्याच्या विश्वस्तांच्या मनमानी कारभाराला आळा बसावा यासाठी देवस्थानचे नावे असलेले बँक खाते गोठवण्यासाठी अर्ज केला आहे. तसेच, पुढील निवडणूक होईपर्यंत प्रशासक नेमण्याची मागणी ग्रामस्थ व भाविकांनी धर्मादाय आयुक्तांकडे पत्राद्वारे केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top