चौफुला येथे आढळले डेंगीचे रुग्ण

केडगाव, ता. ७ ः चौफुला (ता. दौंड) येथे डेंगीचे दोन रूग्ण सापडले असून ग्रामस्थांनी तातडीने उपाययोजना करण्याची मागणी केली आहे.
चौफुल्यातील गायकवाड हॅास्पिटलच्या शेजारील डेंगीचे दोन रूग्ण केडगाव येथील रूग्णालयात उपचार घेत आहेत. या रुग्णांची कोरोना चाचणी निगेटिव्ह आली आहे. या परिसरात गटाराचे पाणी उघड्यावर सोडल्याने डासांचा प्रादुर्भाव मोठ्या प्रमाणात वाढला आहे. ग्रामपंचायतीने गटाराच्या पाण्याची व्यवस्था करण्याची मागणी ग्रामस्थ करीत आहेत. चौफुला परिसरात गेल्या अनेक महिन्यात ग्रामपंचायतीने फवारणी केलेली नसल्याने डासांमुळे आजारात वाढ होऊ लागली आहे. आरोग्य विभागाने याबाबत दक्षता घेण्याची गरज व्यक्त होत आहे.