विविध विकास कामांचे कटफळ येथे भूमिपूजन | Sakal
sakal

बोलून बातमी शोधा

विविध विकास कामांचे कटफळ येथे भूमिपूजन
विविध विकास कामांचे कटफळ येथे भूमिपूजन

विविध विकास कामांचे कटफळ येथे भूमिपूजन

sakal_logo
By

शिर्सुफळ, ता. ५ : कटफळ (ता.बारामती) येथे ग्रामपंचायतीच्या विविध विकासकामांचे भूमिपूजन बारामती पंचायत समिती सदस्य लीला गावडे यांच्या हस्ते करण्यात आले.
पंचायत समितीच्या निधीतून झगडे वस्ती येथे नळपाणीपुरवठा योजना व जुना गाडीखेल रस्ता मुरूमीकरण करणे व ग्रामपंचायतीच्या निधीतून गावातील मंदिरांचे सुशोभीकरण करण्यात येणार आहे.
रांधवणवस्ती बिरोबा मंदिर, रांधवणवस्ती मारुती मंदिर, दत्त मंदिर, लक्ष्मीआई मंदिर, वेताळ मंदिर, खंडोबा मंदिर, ढासीवाडी बिरोबा मंदिर, तुकाई मंदिर, लोखंडेवस्ती बिरोबा मंदिर या मंदिराचे पेवर ब्लॉक बसवणे व फारशी बसवणे सुशोभीकरण करणे कामे करण्यात येणार आहेत. ग्रामपंचायतीच्या वतीने गावातील किशोरवयीन मुली व महिलांसाठी मोफत सॅनिटरी नॅपकिन प्राथमिक आरोग्य उपकेंद्रातून वाटप करण्यात येणार आहे. या उपक्रमाची प्रातिनिधिक सुरुवात करण्यात आली.
याप्रसंगी सरपंच पूनम किरण कांबळे, सदस्य डॉ. संजय मोकाशी, तात्याराम रांधवण, सीमा सीताराम मदने, संध्या सुनील मोरे, संध्याराणी राजेंद्र झगडे, संदीप पतंगे, दादाराम झगडे, हेमंत आटोळे, तानाजी मोकाशी, श्रीपाद झगडे, शरद मोरे, दिनेश मोकाशी, सुनील मोकाशी, ग्रामसेवक महेंद्र बेंगारे यांच्यासह ग्रामस्थ उपस्थित होते.


01161

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top