आमदार दिलीप मोहिते यांना जिल्हा बॅंकेचे अध्यक्षपद द्या | Sakal
sakal

बोलून बातमी शोधा

आमदार दिलीप मोहिते यांना
जिल्हा बॅंकेचे अध्यक्षपद द्या
आमदार दिलीप मोहिते यांना जिल्हा बॅंकेचे अध्यक्षपद द्या

आमदार दिलीप मोहिते यांना जिल्हा बॅंकेचे अध्यक्षपद द्या

sakal_logo
By

राजगुरुनगर, ता. १२ : सहकाराचे गाढे अभ्यासक असलेल्या आमदार दिलीप मोहिते यांना पुणे जिल्हा मध्यवर्ती सहकारी बँकेचे अध्यक्षपद मिळावे, अशी आग्रही मागणी खेड तालुक्यातील अनेक पदाधिकाऱ्यांनी उपमुख्यमंत्री अजित पवार यांच्याकडे केली.
आमदार मोहिते यांना गेल्या अनेक वर्षांपासून सहकार क्षेत्राचा सखोल अभ्यास आणि अनुभव आहे. ते अनेक वर्षे खेड तालुका कृषी उत्पन्न बाजार समितीचे संचालक, जिल्हा बँकेचे संचालक, महाराष्ट्र राज्य कृषी उत्पन्न बाजार समिती महासंघाचे अध्यक्ष या पदांवरून सहकारक्षेत्रात प्रभावी काम करत आहेत. विधानसभेच्या अधिवेशनामध्ये देखील सहकार क्षेत्रावरील समस्यांवर त्यांनी अभ्यासपूर्ण मते मांडली आहेत. पीडीसीसी बँकेचे संचालक झाल्यावर त्यांनी खेड तालुक्यातील शाखांचा कायापालट केला. शाखांना देखणे रुप देतानाच कारभार शेतकरी हिताचा करण्याचा प्रयत्न केला. बाजार समितीचा चेहरामोहरा बदलताना समितीच्या उत्पन्नाची साधने वाढविण्याकडे कटाक्ष ठेवला. या साऱ्या अनुभवांचा फायदा जिल्ह्याला व्हावा, यासाठी त्यांना बँकेचे अध्यक्षपद द्यावे, अशी विनंती या पदाधिकाऱ्यांनी पवार यांच्याकडे केली.
या शिष्टमंडळामध्ये राष्ट्रवादीचे तालुकाध्यक्ष कैलास सांडभोर, खेड बाजार समितीचे सभापती विनायक घुमटकर, अरुण चांभारे, बाळ ठाकूर आदी सहभागी झाले होते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top