राजगुरुनगर, ता. २५ : येथील (ता. खेड) जिल्हा परिषद प्राथमिक शाळा क्रमांक १ येथे शाळापूर्व तयारी मेळाव्याचे आयोजन केले होते. पहिलीमध्ये दाखल होणाऱ्या विद्यार्थ्यांचे ढोल लेझीमच्या गजरात व वाद्यांच्या साथीत स्वागत करण्यात आले.
शाळेच्या प्रवेशद्वारामधून फेटा बांधून आणि प्रांगणामध्ये गुलाब पुष्प देऊन मिरवणुकीने त्यांना शाळेत आणण्यात आले. विद्यार्थ्यांच्या लेझीम पथकाने सर्व मैदान दुमदुमून गेले होते. पालक, शाळा व्यवस्थापन समिती सदस्य आणि शिक्षक वृंद यांनी उत्साहाने त्यांचे स्वागत केले. मेळाव्याचे नियोजन शिक्षक द. मा. पिंगळे, कांचन वायाळ, रवींद्र मावळे, स्मिता पवळे, अनिल साकोरे, जयसिंग उकिरडे, गीता सांगडे यांनी केले. यावेळी शाळा व्यवस्थापन समितीच्या उपाध्यक्षा रंजना घनकुटे, अलका सांगडे, रशिद तडवी, पंचायत समिती शिक्षण विभागातील विषय तज्ञ दयानंद शिंदे, विलास जाधव, अंगणवाडी सेविका नयना वाळुंज आदी उपस्थित होते. शाळेच्या व्हरांड्यात आठ टेबल लावण्यात आले होते. भाषिक विकास, भावनिक विकास, बौद्धिक विकास, शारीरिक क्षमता, सामाजिक विकास, पालकांना मार्गदर्शन इत्यादी विषयांचा त्यांत समावेश होता.
--------------
01789
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.