भोर पंचायत समितीकडून विकासकामांसाठी सव्वा कोटी | Sakal
sakal

बोलून बातमी शोधा

भोर पंचायत समितीकडून विकासकामांसाठी सव्वा कोटी
भोर पंचायत समितीकडून विकासकामांसाठी सव्वा कोटी

भोर पंचायत समितीकडून विकासकामांसाठी सव्वा कोटी

sakal_logo
By

नसरापूर, ता. ७ ः भोर पंचायत समिती तालुकास्तरीय नियोजन समितीच्या बैठकीमध्ये अबंधित व बंधित निधीअंतर्गत सन २०२१-२२ या वर्षासाठी तालुक्यातील विविध गावांमधील विकास कामांकरिता १ कोटी २२ लाख ३७ हजार ५४० रुपये निधीस मान्यता देण्यात आली आहे.
भोरचे पंचायत समिती सभापती लहूनाना शेलार, उपसभापती रोहन बाठे व सदस्या पुनम अमोल पांगारे यांच्या बैठकीमध्ये सर्वानुमते पंधराव्या वित्त आयोगांतर्गत सन २०२१-२२ मधील प्राप्त पंचायत समिती स्तरावरील १० टक्के निधी अंतर्गत तालुका विकास आराखड्यास मान्यता देण्यात आली असून त्यामध्ये स्वच्छता अंतर्गत बंदिस्त गटार, कचरा कुंडी, घंटागाडी आदी कामांसाठी ३८ लाख २४ हजार २२६ रुपये मंजूर करण्यात आले आहेत. तर पाणी पुरवठ्यामधील विविध गावांना विंधन विहीरी स्मशानभूमीमध्ये पाण्याची टाकी बांधणे, जलशुद्धीकरण यंत्र बसवणे आदी कामांसाठी ३८ लाख २४ हजार २२६ रुपये मंजूर करण्यात आले आहेत. तर अबंधित कामासाठी म्हणजे रस्ते, अंतर्गत रस्ते, क्रीडांगणे, गार्डन बेंच, सोलर दिवे, हायमास्ट दिवे, महिला अस्मिता भवन, ब्लॉक बसवणे, वाचनालय, चावडी ग्रामपंचायत कार्यालय दुरुस्ती, नाला संरक्षणभिंत आदी कामांसाठी ४५ लाख ८९ हजार रुपये मंजूर करण्यात आले आहेत. या सर्व निधींचा वापर मार्च २०२२ च्या आत मध्ये करावयाचा असून या निधीच्या गावानुसार वापराचे नियोजन या बैठकीत करण्यात आले.
खर्चाच्या सर्वानुमते मंजूर झालेल्या ठरावाचे सूचक सभापती लहूनाना शेलार तर उपसभापती रोहन बाठे व सदस्या पुनम पांगारे अनुमोदक होत्या. सभापती शेलार यांनी माहिती देताना सांगितले की, तालुक्यातील एकूण २१ गावांमध्ये अबंधित निधी अंतर्गत कामांचे नियोजन करण्यात आले आहे. तर एकूण ४० गावांमध्ये तसेच पंचायत समितीमध्ये पिण्याच्या पाण्यासाठी जलशुद्धीकरण संच बसवण्यासाठी बंधित निधी अंतर्गत नियोजन करण्यात आले आहे. ग्रामस्थांनी या कामासाठी सहकार्य करण्याचे आवाहन त्यांनी केले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top