सावित्रीबाई फुले यांची जयंती तळेगाव ढमढेरे येथे साजरी

तळेगाव ढमढेरे, ता.३ : येथील संभाजीराव भुजबळ विद्यालयात क्रांतिज्योती सावित्रीबाई फुले यांची जयंती साजरी करण्यात आली.
तसेच विद्यालयातील इयत्ता नववी ते बारावीच्या विद्यार्थ्यांना कोरोना प्रतिबंधक लस देण्याचा उपक्रम हाती घेण्यात आला.

ग्रामविकास प्रतिष्ठानचे अध्यक्ष शिवाजीराव भुजबळ,
बाजार समितीचे माजी उपसभापती विश्वास ढमढेरे, सरपंच अंकिता भुजबळ, उपसरपंच नवनाथ ढमढेरे, मच्छिंद्र भुजबळ, संदीप ढमढेरे, शहाजी ढमढेरे, दादाभाऊ शिनलकर, बाबू ढमढेरे, मुख्याध्यापक बाळासाहेब चव्हाण आदी उपस्थित होते.
विश्वास ढमढेरे म्हणाले, ‘‘विद्यार्थ्यांनी सावित्रीबाई फुले यांचे विचार आचरणात आणावेत. शिक्षणापासून वंचित राहिलेल्यांना शिक्षणाच्या प्रवाहात आणावे. विद्यार्थ्यांनी कोणतीही भीती मनात न बाळगता कोरोना प्रतिबंधक लस घेऊन आपले आरोग्य व कुटुंब सुरक्षित ठेवावे. शालेय विद्यार्थ्यांना प्रथमच लस देण्याचा उपक्रम इतर शाळांनाही प्रेरणादायी ठरणार आहे.’’ प्रास्ताविक चव्हाण यांनी केले. आभार जयश्री कापरे यांनी मानले.

TGD22B02737