शेतकऱ्यांना प्रशिक्षणासाठी नोंदणी करण्याचे आवाहन | Sakal
sakal

बोलून बातमी शोधा

शेतकऱ्यांना प्रशिक्षणासाठी नोंदणी करण्याचे आवाहन
शेतकऱ्यांना प्रशिक्षणासाठी नोंदणी करण्याचे आवाहन

शेतकऱ्यांना प्रशिक्षणासाठी नोंदणी करण्याचे आवाहन

sakal_logo
By

रांजणगाव गणपती, ता. ७ ः पुणे जिल्ह्यातील शेतकऱ्यांसाठी “शेतकरी उत्पादक ते कृषी निर्यातदार’’ विषयक प्रशिक्षण पुण्यात कृषी तंत्रज्ञान व्यवस्थापन यंत्रणा (आत्मा) पुणे व मराठा चेंबर ऑफ कॉमर्स, इंडस्ट्रीज अॅण्ड अॅग्रिकल्चर, पुणे यांच्या वतीने आयोजित करण्यात आले आहे.
२८ जानेवारी व ३० फेब्रुवारी रोजी होणाऱ्या या प्रशिक्षणात शिरूर तालुक्यातील शंभर शेतकऱ्यांचा सहभाग नोंदवायचा असल्याने शेतकऱ्यांनी या प्रशिक्षणाचा फायदा घ्यावा, असे आवाहन शिरूर तालुका कृषी अधिकारी सिद्धेश ढवळे यांनी केले आहे. या प्रशिक्षणासाठी निर्यातदार शेतकरी निवड निकष निर्यातदार युवक हा आत्मा अंतर्गत शेतकरी गट/शेतकरी उत्पादक कंपनीचा सदस्य असावा, कमाल ४० वर्ष वयोमर्यादा, इयत्ता दहावी पास इंग्रजी वाचता लिहिता येणारा, व्यवसाय करण्याची इच्छा असणारा शेतकरी असावा, शेतकरी निवड निकषानुसार तालुक्याकरिता प्रति गाव एक इच्छुक, पात्र शेतकरी यानुषंगाने तालुक्यास प्राप्त लक्षांकानुसार शेतकऱ्यांची निवड करण्यात येणार आहे. निर्यातदार प्रशिक्षणाच्या प्रमुख बाबी निर्यात संधी, ट्रेसेबिलिटी विविध नेट्स, विपणन आणि ब्रँडिंग, निर्यात प्रक्रिया आवश्यक कागदपत्रे व प्रमाणीकरण, कृषी निर्यात अर्थ व्यवस्थापन व कृषी निर्यात योजना प्रशिक्षण पूर्व नोंदणी आवश्यक आहे. शिरूर तालुक्यातील इच्छुक, पात्र, निर्यातदार शेतकऱ्यांनी देण्यात आलेल्या गुगल फॉर्मव्दारे माहिती भरून पूर्व नोंदणी करावी, असे ही ढवळे यांनी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top