तळेगाव ढमढेरे येथे स्थळपाहणी करण्याचा आदेश

तळेगाव ढमढेरे येथे स्थळपाहणी करण्याचा आदेश

तळेगाव ढमढेरे, ता. २ : तळेगाव ढमढेरे (ता. शिरूर) येथील दुय्यय निबंधक कार्यालयाच्या स्थलांतराचे प्रकरण उच्च न्यायालयात गेले आहे. यासंदर्भाने स्थळ पाहणी करून तीन आठवड्यात अहवाल सादर करण्याचे निर्देश देण्यात आले आहेत.

ग्रामपंचायतीच्या इमारतीत असलेले दुय्यम निबंधक कार्यालय नवीन खासगी जागेत स्थलांतर करण्यात आले आहे. हे कार्यालय पूर्वीच्या मूळ जागेत प्रस्तावित होणे करिता ॲड. सुहास ढमढेरे, ॲड. सुरेश भुजबळ व इतर चार जणांनी मुंबई उच्च न्यायालयात रिटपिटीशन दाखल केले आहे. याबाबत ॲडव्होकेट जनरल यांना लेखी स्वरूपात म्हणणे सादर करण्याचे निर्देश दिलेले आहेत. त्यानुसार जुन्या ग्रामपंचायत जागेत असलेले दुय्यम निबंधक कार्यालयातील रेकॉर्ड नवीन जागेत नेण्यास ‘जैसे थे’ परिस्थिती ठेवण्याचा आदेश पारित केला आहे. जुन्या जागेत त्रयस्थ इसमांनी कोणत्याही प्रकारचा हस्तक्षेप करू नये, असा आदेश न्यायालयाने दिला आहे. दरम्यान, नवीन स्थलांतरित जागेबाबत शासनाच्या नियमानुसार तफावत असल्याचे याचिकाकर्त्या पंचायत समितीच्या माजी सभापती आरती भुजबळ व शिरूर तालुका शिवसेना महिला आघाडीच्या अध्यक्षा चेतना ढमढेरे यांचे म्हणणे आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com