पोलिस भरती परीक्षेसाठी 
मैदानात तोतया उमेदवार

पोलिस भरती परीक्षेसाठी मैदानात तोतया उमेदवार

दौंड, ता. ८ : राज्य राखीव पोलिस दलाच्या (एसआरपीएफ) सशस्त्र पोलिस शिपाई पदाच्या भरती परीक्षेत मैदानी चाचणी परीक्षेकरिता बनावट ओळखपत्रासह तोतया उमेदवार उभा केल्याप्रकरणी दोन तरुणांविरुद्ध गुन्हा दाखल केला आहे.
याबाबत दौंड पोलिस ठाण्याचे निरीक्षक विनोद घुगे यांनी माहिती दिली की, पोलिस भरतीसाठी अर्ज करणारा संदीप रामू राजपूत (रा. लालवण, ता. फुलंब्री, जि. औरंगाबाद) हा परीक्षार्थी आणि त्याचा अज्ञात तोतया परीक्षार्थी साथीदार, अशा दोघांविरुद्ध गुन्हा दाखल केला. दौंड शहरातील एसआरपीएफ गट क्रमांक सात येथील मैदानावर कुसडगाव (ता. जामखेड, जि. नगर) येथील एसआरपीएफ गट क्रमांक एकोणीसकरिता सुरू असलेल्या पोलिस भरती प्रक्रियाअंतर्गत मैदानी चाचणी सुरू असताना हा प्रकार उघडकीस आला. संदीप राजपूत व त्याच्या साथीदाराने भरती अर्जावर आणि मैदानी चाचणी ओळखपत्रावर दोन वेगळे छायाचित्र लावण्यासह बनावट स्वाक्षरी केली होती. चौकशीत हा प्रकार उघड झाल्यानंतर आज एसआरपीएफचे पोलिस निरीक्षक महेंद्र कोरे यांनी फिर्याद दाखल केली. सहायक निरीक्षक तुकाराम राठोड पुढील तपास करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com