दौंडला कार्यालयीन वेळेत अधिकाऱ्यांची हुरडा पार्टी | Sakal
sakal

बोलून बातमी शोधा

दौंडला कार्यालयीन वेळेत अधिकाऱ्यांची हुरडा पार्टी
दौंडला कार्यालयीन वेळेत अधिकाऱ्यांची हुरडा पार्टी

दौंडला कार्यालयीन वेळेत अधिकाऱ्यांची हुरडा पार्टी

sakal_logo
By

दौंड, ता. १३ : दौंड नगरपालिकेचे अधिकारी व कर्मचाऱ्यांनी परवानगी न घेता कार्यालयीन वेळेत तालुक्यातील एका शेतातील हुरड्यावर मनसोक्त ताव मारला. मुख्याधिकारी वैद्यकीय रजेवर असल्याने दौंडचे तहसीलदार यांच्याकडे सहा महिन्यांपासून मुख्याधिकारीपदाचा अतिरिक्त कार्यभार आहे. आपल्यावर कुठलीच कारवाईची होणार नाही, अशा भ्रमात वावरणाऱ्या कर्मचाऱ्यांची मनमानी वाढलेली आहे.
दौंड नगरपालिकेतील उपमुख्याधिकारी यांच्यासह बहुतांश अधिकारी व कर्मचारी गुरुवारी (ता. १३) सकाळी ११ वाजता दाखल झाले व त्यानंतर दोन अधिकाऱ्यांचा अपवाद वगळता बहुतांश जण वडगाव दरेकर (ता. दौंड) कडे हुरडा पार्टीसाठी रवाना झाले. त्यामुळे दुपारी १२ ते संध्याकाळी ६ वाजेपर्यंत उपमुख्याधिकारी कक्ष, आरोग्य विभाग, कर, वसुली, बांधकाम, भांडार, संगणक, आदी कक्ष पूर्णपणे रिकामे होते. कार्यालयीन कामासाठी आलेल्या नागरिकांची व लोकप्रतिनिधींची यामुळे गैरसोय झाली.
नगरपालिकेतील राष्ट्रवादीचे गटनेते बादशहा शेख यांनी या बाबत कार्यालयात जाऊन संताप व्यक्त केला. त्यांना लेखी तक्रार तयार केली परंतु तक्रार स्वीकारण्यासाठी संध्याकाळी ५ वाजेपर्यंत अधिकारी व कर्मचारी उपस्थित नव्हते.
प्रभारी मुख्याधिकारी तथा दौंडचे तहसीलदार संजय पाटील यांना या बाबत विचारले असता ते म्हणाले, ‘‘हुरडा पार्टीसाठी माझी परवानगी घेतलेली नाही. संबंधितांना कारणे दाखवा नोटीस बजावून माहिती घेतली जाईल. चौकशी करून योग्य ती कारवाई केली जाईल.’’

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top