आठवले, राऊत यांच्याकडून अभिवादन

कोरेगाव भीमा, ता. १ : ऊर्जामंत्री डॉ. नितीन राऊत यांनीही ऐतिहासिक विजयस्तंभास अभिवादन करून पुष्पचक्र अर्पण केले.
यावेळी ते म्हणाले, ‘‘या ठिकाणी शौर्य गाजविणाऱ्या शूरवीरांच्या ऐतिहासिक स्मारकासाठी व विजयस्तंभ परिसराच्या विकासासाठी राज्य सरकारने १०० कोटी रुपयांचा निधी दिला अजून, त्यातून आवश्यक त्या सोयीसुविधा लवकरात लवकर निर्माण करण्यासाठी आम्ही प्रयत्नशील आहोत. हा स्तंभ शौर्याचे प्रतीक असल्यामुळे पर्यटनस्थळ म्हणून नव्हे; तर शूरवीरांना अभिवादन करण्याचे स्थळ म्हणून विकसित करण्यात येईल.’’
दरम्यान, केंद्रीय सामाजिक न्याय राज्यमंत्री रामदास आठवले यांनीही विजयस्तंभास अभिवादन करून पुष्पचक्र अर्पण केले.
यावेळी ते म्हणाले, ‘‘ऐतिहासिक विजयस्तंभस्थळी शुरवीरांचा अभिवादन सोहळा प्रेरणादायी असून, येथील स्थळाच्या विकासासाठी व स्मारकासाठी एकत्रित प्रयत्नांची गरज आहे. राज्यातील महाविकास आघाडीचे सरकार घालवणे, हाच नव्या वर्षातील संकल्प आहे.’’