शंभूराजेंच्या स्मारक प्रवेशद्वाराचा रस्ता प्रशस्त होणार | Sakal
sakal

बोलून बातमी शोधा

शंभूराजेंच्या स्मारक प्रवेशद्वाराचा 
रस्ता प्रशस्त होणार
शंभूराजेंच्या स्मारक प्रवेशद्वाराचा रस्ता प्रशस्त होणार

शंभूराजेंच्या स्मारक प्रवेशद्वाराचा रस्ता प्रशस्त होणार

sakal_logo
By

केसनंद, ता. ३० : श्रीक्षेत्र तुळापूर येथे छत्रपती संभाजी महाराज यांच्या नियोजित स्मारकासमोरील प्रवेशद्वाराचा रस्ता स्थानिक दोन शंभुभक्तांनी जागा दिल्याने तसेच आमदार अशोक पवार यांनी १० लाखांचा निधी दिल्याने आणखी प्रशस्त होणार आहे.
तुळापूर (ता. हवेली) येथे आळंदी रस्ता ते छत्रपती शंभूराजे समाधिस्थळ या दरम्यानचा प्रवेशद्वार रस्ता अधिक प्रशस्त होण्यासाठी तुळापूरचे माजी सरपंच रूपेश शिवले यांनी तसेच शेजारील उद्योजक प्रमोद देशमुख यांनीही स्वत:ची जागा रस्त्यासाठी दिल्याने रस्त्याच्या मजबुतीकरणाच्या कामाचा प्रारंभ नुकताच आमदार पवार यांच्या हस्ते करण्यात आला.
या रस्त्याच्या कामाच्या आड येणारा वीजेचा खांबही तातडीने काढून तेथे भूमिगत केबल टाकण्याच्या सूचना आमदार पवार यांनी महावितरणचे अधिकारी राठोड यांच्याशी चर्चा करून दिल्याने रस्त्याचे काम अधिक गतीने मार्गी लागणार आहे.
यावेळी आमदार पवार पुढे म्हणाले, ‘‘वढू-तुळापूरला जोडणाऱ्या रस्त्यांसाठी सुमारे ५६ कोटींचा निधी दिला असून वढू-तुळापूर येथे छत्रपती शंभूराजांच्या स्मारकांसह परिसर विकासासाठी सरकारने २५० कोटींचा निधी मंजूर केल्याने वढू-तुळापूर परिसराचा कायापालट होणार आहे.’’
या प्रसंगी शिरूर तालुकाध्यक्ष रवींद्र काळे, नियोजन समिती सदस्य पंडित दरेकर, दूध संघ संचालक स्वप्नील ढमढेरे, प्रदिपभाऊ कंद, सरपंच गुंफा इंगळे, उपसरपंच नवनाथ शिवले, माजी सरपंच रूपेश शिवले, लोचन शिवले, जयवंतराव शिवले, गणेश पुजारी, संतोष शिवले, पवन खैरे, डी. एस. शिवले, माधुरी वाळके, सतीश थिटे आदी मान्यवर उपस्थित होते. तुळापूर सोसायटीचे उपाध्यक्ष अप्पासाहेब जगताप यांनी प्रास्ताविक केले.

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..