कर्मयोगी कारखान्याकडून
४ लाख टन उसाचे गाळप

कर्मयोगी कारखान्याकडून ४ लाख टन उसाचे गाळप

इंदापूर, ता. १ : बिजवडी-महात्मा फुलेनगर (ता. इंदापूर) येथील कर्मयोगी शंकररावजी पाटील सहकारी साखर कारखान्याने सन २०२१-२२ च्या गळीत हंगामात शुक्रवारअखेर (ता. ३१) ४ लाख ११११ टन उसाचे गाळप पूर्ण केल्याची माहिती कारखान्याचे उपाध्यक्ष भरत शहा व कार्यकारी संचालक देवराव लोकरे यांनी दिली.
या हंगामात कारखाना प्रतिदिन सरासरी ९ हजार टनांहून अधिक क्षमतेने उसाचे गाळप करत आहे. कारखान्याचे सहवीज निर्मिती, इथेनॉल निर्मिती करणारे प्रकल्प पूर्ण कार्यक्षमतेने सुरू आहेत. कारखान्याचे अध्यक्ष हर्षवर्धन पाटील यांनी कारखाना कार्यक्षेत्रात ऊस उत्पादकांशी गटनिहाय बैठका घेऊन संवाद साधला. त्यामुळे गाळप हंगामात ऊस गाळपाचे प्रमाण वाढले आहे.
यावेळी कारखान्याचे संचालक हनुमंत जाधव, शांतिलाल शिंदे, रवींद्र सरडे, छगन भोंगळे, प्रदीप पाटील, राहुल जाधव, अंबादास शिंगाडे, पराग जाधव, विश्वास देवकाते, निवृत्ती गायकवाड, भूषण काळे, प्रवीण देवकर, रतन देवकर, केशव दुर्गे, सतीश व्यवहारे, हिरा पारेकर, वसंत मोहोळकर, शारदा पवार, कांचन कदम आदी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com