भीमाशंकरमध्ये भाविकांना वाहतूक कोंडीचा फटका | Sakal
sakal

बोलून बातमी शोधा

भीमाशंकरमध्ये भाविकांना 
वाहतूक कोंडीचा फटका
भीमाशंकरमध्ये भाविकांना वाहतूक कोंडीचा फटका

भीमाशंकरमध्ये भाविकांना वाहतूक कोंडीचा फटका

sakal_logo
By

मंचर, ता. १ : श्री क्षेत्र भीमाशंकर येथे नववर्षानिमित्त दर्शनासाठी व अभिषेकासाठी भाविक मोठ्या संख्येने आले होते. पण, रस्त्यावर पुरेशा प्रमाणात वाहतूक पोलिस नसल्याने व रस्त्याचे काम सुरू असल्याने वाहतूक कोंडीचा फटका भाविकांना बसला.
तब्बल दोन वर्षानंतर प्रथमच नववर्षानिमित्त ज्योतिर्लिंगाचे दर्शन व अभिषेक करण्यासाठी पुणे, मुंबई, नाशिक, नगर या भागातून तसेच परराज्यातूनही चारचाकी वाहनातून भाविक आले होते. भीमाशंकर बसस्थानकाच्या पूर्वेला तीन किलोमीटर अंतरामध्ये सिमेंट काँक्रिटीकरण रस्त्याचे काम सुरू आहे. त्यामुळे अनेक ठिकाणी एकेरी वाहतूक सुरू होती. अनेक दुचाकीस्वार नियमबाह्य पद्धतीने वाहन चालून वाहतूक कोंडीमध्ये भर घालण्याचा प्रयत्न करत होते.
कोरेगाव भीमा परिसरात या भागातील पोलिस बंदोबस्त गेला आहे. त्यामुळे दोन ते तीन होमगार्डचा अपवाद वगळता बंदोबस्त तोकडा होता. वाहनांची संख्या मोठी असल्याने होमगार्ड हतबल झाले होते. बसस्थानक परिसरातही सतत वाहतूक कोंडीला भाविकांना सामोरे जावे लागले. सकाळी नऊ ते दुपारी एकपर्यंत वाहतूक कोंडी कायम होती.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top