घोषवाक्ये, चित्रांमुळे भिंती लागल्या बोलू | Sakal
sakal

बोलून बातमी शोधा

घोषवाक्ये, चित्रांमुळे भिंती लागल्या बोलू
घोषवाक्ये, चित्रांमुळे भिंती लागल्या बोलू

घोषवाक्ये, चित्रांमुळे भिंती लागल्या बोलू

sakal_logo
By

जुन्नर, ता. ८ : : जुन्नर तालुका पंचायत समिती कार्यालय व परिसरातील भिंती विविध आकर्षक चित्रे व घोषवाक्यांनी बोलू लागल्या आहेत. यामुळे माझी वसुंधरा अभियानाच्या जनजागृतीसाठी मदत होत आहे.
अभियानासाठी तालुक्यातील वीसहून अधिक कला शिक्षकांनी पुढाकार घेतल्याने ही किमया साकार झाली आहे. यात संजय वाडकर, संतोष सगर, महिंद्र तोडकर, राजीव जाधव, संतोष सोनवणे, सुनील रोकडे, विकास कोतवाल, प्रदीप सूर्यवंशी, महेश थोरात, सुनील गटकळ, रमेश केदार, वृषाली दांगट, सुजाता आहेर, बाळासाहेब साबळे, प्रदीप मिरगे आदी कलाशिक्षकांनी स्वयंस्फूर्तीने सहभाग घेतला. यामुळे हा अभिनव उपक्रम साकारला असल्याचे गट विकास अधिकारी शरदचंद्र माळी यांनी सांगितले.
दरम्यान, भिंती रंगविण्याच्या उपक्रमाला सहायक गटविकास अधिकारी हेमंत गरिबे, प्रभारी गट शिक्षणाधिकारी अनिता शिंदे, विस्तार अधिकारी किसन खोडदे, समन्वयक शयश मस्करे यांनी विशेष सहकार्य केले.

वसुंधरा अभियानाच्या वातावरण निर्मितीस मदत
माझी वसुंधरा अभियानात नुकताच ग्रामीण भागाचा समावेश करण्यात आला आहे. या कार्यालयास भेट देणारे नागरिक, पदाधिकारी यांनी आपल्याही गावात अशाच प्रकारे चित्र माध्यमातून जागृती करण्याचे नियोजन करण्याचे ठरविले आहे. स्थानिक नागरिक कुतूहलाने पाहण्यासाठी थांबत आहेत. या माध्यमातून तालुक्यातील गावातून असे काम झाल्यास वसुंधरा अभियानाची वातावरण निर्मिती होण्यास मदत होणार आहे.


03308

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top